قازاقستاندىق عالىم قانت ديابەتىن ەمدەۋدىڭ بىرەگەي جولىن ويلاپ تاپتى

نۇر- سۇلتان. قازاقپارات - قازاقستاندىق عالىم شەتەلدىك ارىپتەستەرىنىڭ قولداۋىمەن گەنومدىق وزگەرتۋ ءادىسى ارقىلى قانت ديابەتىن ەمدەۋگە ارنالعان بىرەگەي جاسۋشالار تىزبەگىن ويلاپ تاپتى.

مۇنداي جاسۋشالار ۇيقى بەزىنە ينسۋليندى دەربەس وندىرۋگە، سونداي- اق ونىڭ اعزاداعى دەڭگەيىن باقىلاۋعا مۇمكىندىك بەرەدى.

جاس عالىم زەرتحانالىق دەڭگەيدە جاسۋشالاردىڭ وزدىگىنەن ينسۋلين وندىرۋىنە قول جەتكىزگەن. بۇل جوبانى ول كانادالىق دارىگەرلەرمەن بىرگە جۇزەگە اسىردى. باقىتجان ءالجان ۇلى 1- ءتيپتى قانت ديابەتىن ەمدەۋ ادىستەمەسىن كانادادا تاعىلىمدامادان ءوتۋ كەزىندە باستاپتى. گەنومدىق وزگەرىسكە نەگىزدەلگەن ونىڭ جۇمىسىنا شەتەلدىك عالىم جەتەكشىلىك ەتكەن. جاس عالىم زەرتحانالىق دەڭگەيدە جاسۋشالاردىڭ وزدىگىنەن ينسۋلين وندىرۋىنە قول جەتكىزەدى.

«ەندى الىنعان جاسۋشالاردىڭ اعزاداعى گليۋكوزا دەڭگەيىنىڭ وزگەرۋىن قالاي قابىلدايتىنى ماڭىزدى»، - دەيدى زەرتتەۋشى.

باقىتجان ءالجان ۇلى، م. ايتحوجين اتىنداعى مولەكۋلالىق بيولوگيا جانە بيوحيميا ينستيتۋتىنىڭ عىلىمي قىزمەتكەرى:

- ديابەت 1-تيپ اۋرۋى اۋتويممۋندىق اۋرۋ، ياعني اعزانىڭ يممۋندىق جۇيەسى بۇل وزدىگىنەن بۇل كلەتكالاردى جويادى. ءبىز الداعى ۇلكەن ماقساتىمىز ترانسپلانتاتسيا جاساۋ بولسا، يممۋندىق جۇيە، كەز كەلگەن سىرتتان كەلگەن بوگدە زاتتى ول بىردەن بوتەن دەپ تانىپ، ونىڭ تەز كوزىن جويۋعا تىرىسادى.

عىلىمنىڭ الدىندا تۇرعان سۇراق بۇل يممۋندىق جۇيەنىڭ شابۋىلىنان قالايشا قورعاپ قالساق بولادى؟ قورعاپ قالا وتىرىپ، سول مەزەتتە ونىڭ ءوزىنىڭ ەڭ نەگىزگى قاسيەتتەرىن، جۇمىسىن جوعالتپاۋى كەرەك. بۇل جاسۋشالاردى ترانسپلانتاتسيالاۋ ۇيقى بەزىنە ينسۋلين وندىرۋگە عانا ەمەس، سونىمەن قاتار ونىڭ اعزاداعى دەڭگەيىن رەتتەۋگە مۇمكىندىك بەرەدى. جاس عالىمنىڭ زەرتتەۋى مولەكۋلالىق بيولوگيا جانە بيوحيميا ينستيتۋتىندا جالعاسىن تاپپاق.

كاماليدين شاريپوۆ، م. ايتحوجين اتىنداعى مولەكۋلالىق بيولوگيا جانە بيوحيميا ينستيتۋتى باس ديرەكتورىنىڭ م. ا.:

- قازىرگى ۋاقىتتا كونكۋرس جاريالاندى. ءبىز، باقىتجان ءالجان ۇلى جانە دە باسقا دا عالىمدارمەن بىرلەسىپ، گرانتقا قول جەتكىزۋدى ويلاستىرۋدامىز. گرانتتىق قارجىلاندىرۋ بولسا، بىرەگەي عىلىمي زەرتتەۋ جالعاسىن تابادى.

عالىمداردىڭ ايتۋىنشا، ىرگەلى عىلىمي جۇمىستى تاجىريبەگە ەنگىزۋ ءۇشىن ءبىرىنشى كەزەكتە يممۋندىق جۇيەنىڭ شابۋىلىنان جاسۋشالاردى قورعاۋ حاتتاماسىن ازىرلەۋ قاجەت. بۇعان قوسا كلينيكاعا دەيىنگى جانە كلينيكالىق سىناقتار كەزەڭى بار.

«سوندىقتان عىلىمي جاڭالىقتىڭ قولدانىسقا ەنۋىنە 4-5 جىل ۋاقىت كەتۋى مۇمكىن»، - دەيدى عالىمدار.

www.24.kz