ناتو ۋكراينا اسپانىن اشىق قالدىردى

نۇر- سۇلتان. قازاقپارات – ناتو- عا مۇشە مەملەكەتتەر ۋكرايناداعى اسكەري قاقتىعىسقا ارالاسپايدى جانە وسى ەلدىڭ اۋە كەڭىستىگىن ۇشۋعا بولمايتىن ايماق دەپ جاريالامايدى.

بۇل تۋرالى بريۋسسەلدە وتكەن بريفينگ بارىسىندا ناتو باس حاتشىسى مالىمدەدى.

«ەگەر ناتو ءوزىنىڭ جويعىش ۇشاقتارىن اتالعان ايماققا جىبەرەر بولسا، رەسەي اۋە كەمەلەرىمەن قاقتىعىسقا اكەلەدى. مۇنداي ارەكەت ەۋروپانى تۇگەلدەي سوعىس الاڭىنا اينالدىرۋى مۇمكىن»، - دەدى اليانس باسشىسى.

ايتا كەتەيىن، بۇگىندە بالتىق جاعالاۋى ەلدەرىندە، پولشادا، رۋمىنيا مەن ەۋروپانىڭ وڭتۇستىك- شىعىسىندا ناتو- نىڭ اسكەري توپتارى بار. يەنس ستولتەنبەرگتىڭ ايتۋىنشا، قازىر ولاردىڭ سانىن ارتتىرۋ جاعى قاراستىرىلىپ جاتىر.

يەنس ستولتەنبەرگ، ناتو باس حاتشىسى:

- ناتو - قورعانىس اليانسى. ءبىزدىڭ نەگىزگى مىندەتىمىز بلوكقا مۇشە 30 ەلدىڭ قاۋىپسىزدىگىن قامتاماسىز ەتۋ. ءبىز بۇل قاقتىعىستىڭ ءبىر بولىگى ەمەسپىز، ءبىراق ونىڭ ءورشىپ كەتپەۋىنە جانە ۋكراينادان تىس جەرلەرگە تارالماۋىنا جاۋاپتىمىز. قازىر ۋكراينادا نە بولىپ جاتقان جاعداي وتە قورقىنىشتى. ادامداردىڭ قايعى- قاسىرەتىن كورىپ جاتىرمىز. ءبارى قيراتىلىپ جاتىر. ەۋروپا مۇندايدى ەكىنشى دۇنيەجۇزىلىك سوعىستان بەرى كورگەن ەمەس.

www.24.kz