بيىل بالقاش كولىنىڭ جاعالاۋىندا تۋريزمدى ناسيحاتتاۋعا جانە دەمالۋعا جاعداي جاسالادى - وبلىس اكىمى
ايماق باسشىسىمەن كەزدەسۋ «دوستىق» بالالار- جاسوسپىرىمدەر شىعارماشىلىق ورتالىعىنىڭ عيماراتىندا ءوتتى. باسقوسۋدا قالا حالقىنىڭ ءومىرى، تۋريزمدى دامىتۋ، الەۋمەتتىك جانە قۇرىلىس سالاسىنا قاتىستى كوپتەگەن ماسەلەلەر ءسوز بولدى.
پريوزەرسك تۇرعىندارى اكىمنەن جاستاردى سۇرانىسقا يە ماماندىقتارعا وقىتاتىن كوللەدج اشۋدى سۇرادى. سونىمەن قاتار، كەزدەسۋگە قاتىسۋشىلار مادەنيەت ءۇيى مەن دەنە شىنىقتىرۋ- ساۋىقتىرۋ كەشەنىن (د س ك) سالۋ قاجەتتىلىگى تۋرالى ايتتى. وبلىس اكىمى جىل سوڭىنا دەيىن دسك جوبالىق- سمەتالىق قۇجاتتاماسىن ازىرلەۋدى تاپسىردى.
«د س ك- دان باستايىق، مادەنيەت ءۇيى بويىنشا ماسەلەنى بىرتىندەپ شەشەتىن بولامىز. كوللەدجگە قاتىستى كوتەرگەن ماسەلەنى قولدايمىز، نۇسقالاردى قاراستىرامىز. ءاربىر ماسەلەنى باقىلاۋدا ۇستايتىن بولامىن»، - دەدى جەڭىس قاسىمبەك.
تۇرعىندارعا بالقاشپەن اۆتوبۋس قاتىناسىنىڭ بولماۋى دا قولايسىزدىق تۋدىراتىنى ايتىلدى. اكىم بۇل ماسەلەنىڭ دە شەشىلەتىنىن جەتكىزدى. پريوزەرسك بالقاش كۋرورتتىق ايماعىنا كىرەدى. كەزدەسۋگە قاتىسۋشىلاردىڭ پىكىرىنشە، تۋريزمدى ناسيحاتتاۋعا جانە دەمالۋعا جاعداي جاساۋ كەرەك.
«ءبىزدىڭ قالامىز ەلگە تانىمال. تۋريستەردىڭ كوبىرەك كەلۋىن قالايمىن. ول ءۇشىن سالانى دامىتىپ، جارنامانى كۇشەيتۋ قاجەت»، - دەپ اتاپ ءوتتى پريوزەرسك قالاسىنىڭ تۇرعىنى ادىلبەك بەردىمۇراتوۆ. وتكەن جىلى قالاداعى بالقاش كولىنىڭ جاعالاۋى اباتتاندىرىلا باستادى. بيىل ەتنواۋىل، ويىن-ساۋىق كەشەنىنىڭ قۇرىلىسى جوسپارلانۋدا. جيىندا ءار قاتىسۋشى ءوز ويىن ايتا الدى. اشىق ميكروفون فورماتىنداعى مۇنداي كەزدەسۋلەر بيلىكتىڭ ءتيىمدى ديالوگىن قۇرۋعا مۇمكىندىك بەرەدى. «جەرگىلىكتى بيلىك شەشە المايتىن ماسەلەلەردى تىكەلەي ايتۋعا مۇمكىندىك بار. بۇگىن ءبىز ءوز پروبلەمالارىمىز تۋرالى ايتتىق»، - دەيدى قالا تۇرعىنى نۇرعالي قارابەكوۆ.
جەڭىس قاسىمبەك سونىمەن بىرگە جەكە قابىلداۋ وتكىزدى. پريوزەرسك تۇرعىندارى تۇرعىن ءۇي، كوشەلەردى جارىقتاندىرۋ جانە اباتتاندىرۋ ماسەلەلەرىن قوزعادى. تۇرعىنداردىڭ ءبىرى ترانسپورتنايا كوشەسىندەگى جولدى رەتكە كەلتىرۋدى ءوتىندى. جەڭىس قاسىمبەك قۇزىرلى ورگان وكىلدەرىنە قارجى تاۋىپ، بيىل جوندەۋ جۇمىستارىن جۇرگىزۋدى تاپسىردى. سارىشاعان تۇرعىنى، كوپ بالالى انا الما ابىلدايەۆا ءوز ءىسىن كەڭەيتۋگە قولداۋ كورسەتۋدى سۇرادى. ول بالىق وڭدەۋمەن اينالىسادى، ءبىراق قوسىمشا جابدىق ساتىپ الۋ ءۇشىن گرانت الا المادى.
وبلىس اكىمى ايەلگە قولداۋ كورسەتۋدىڭ جولدارىن قاراستىرىپ، ماسەلەنى شەشۋدى تاپسىردى. جالپى، وبلىس باسشىسى شەشىمى تابىلمايتىن ماسەلەلەر جوق ەكەنىن، بىرتە-بىرتە بارلىق ماسەلەنى شەشەتىنىن ايتتى. جەرگىلىكتى بيلىك الدىنا اي سايىن ءاربىر قويىلعان سۇراقتىڭ شەشىلۋ بارىسى تۋرالى بايانداپ وتىرۋ مىندەتىن قويدى.
