قازاقستاننىڭ ءدارى- دارمەك نارىعى يمپورتقا ايتارلىقتاي تاۋەلدى

نۇر-سۇلتان. قازاقپارات - قازاقستاننىڭ ءدارى- دارمەك نارىعى يمپورتقا تاۋەلدى.

بۇل رەتتە ەلىمىزگە ت م د ەلدەرى اراسىندا نەگىزگى ءدارى- دارمەك جەتكىزۋشىلەر - رەسەي، ۋكراينا جانە بەلارۋس.

بىلتىر قازاقستانعا يمپورتتالعان ءدارى- دارمەك كولەمىنىڭ ۇشتەن بىرىنەن استامى رەسەيدىڭ ۇلەسىنە ءتيدى، - دەپ حابارلايدى Energyprom.kz سايتى.

بيىل قاڭتاردا قازاقستاندا فارماتسيەۆتيكالىق ونىمدەردى ءوندىرۋ كولەمى 11,1 ميلليارد تەڭگە بولدى. بىلتىر قاڭتارىمەن سالىستىرعاندا بۇل 13 پايىزعا ارتىق. ءدارى- دارمەك ءوندىرىسىنىڭ كولەمى اقشالاي تۇردە 13,8 پايىزعا ءوسىپ، 9,8 ميلليارد تەڭگەگە جەتتى.

2022 -جىلدىڭ قاڭتارىندا فارماتسيەۆتيكالىق ونىمدەردىڭ باعاسى بىلتىرعىمەن سالىستىرعاندا 3,3 پايىزعا ءوستى، بۇل ءبىر جىل بۇرىنعىدان ايتارلىقتاي از. سوڭعى ءبىر جىلدا «حيلاك فورتە» (بىردەن 42,1 پايىزعا)، اتسيكلوۆير (12,3 پايىزعا)، «ەسسەنسيالە فورتە ن» (11,4 پايىزعا) باعاسى ايتارلىقتاي ءوستى.

سونىمەن قاتار، قازاقستاندىق نارىق نەگىزىنەن يمپورتتىق دارىلەرگە تاۋەلدى. يمپورتتىق انتيبيوتيكتەر ۇلەسى 2021 -جىلى 85,2 پايىز، پروۆيتاميندەر، ۆيتاميندەر مەن ولاردىڭ تۋىندىلارىنىڭ يمپورتى 100 پايىز جۋىق.

2021 -جىلى قازاقستانعا 1,1 ميلليارد دوللارعا 21,7 مىڭ توننا ءدارى اكەلىندى. ونىڭ ۇشتەن بىرىنەن استامى رەسەيدەن يمپورتتالدى - 7,5 مىڭ توننا، 92,7 ميلليون ​​دوللارعا (اقشالاي العاندا جالپى يمپورتتىڭ 8,3 پايىزى).

2021 -جىلى ۋكراينادان 22,4 ميلليون دوللارعا 879 توننا ءدارى- دارمەك اكەلىندى. بەلارۋس 13,3 ميلليون دوللارعا 863,8 توننا ءدارى- دارمەك يمپورتتادى. ساراپشىلار قازىر ءۇش ەل دە ۋكرايناداعى قارۋلى قاقتىعىسپەن تىعىز بايلانىستى جانە بۇل قازاقستانعا ءدارى- دارمەك يمپورتىنا وڭ اسەر ەتە قويمايتىنىن اتاپ ءوتتى.