ايەلسىز وتباسى بولمايدى - مەرۋەرت وتەكەشەۆا
ءبىز بيبىگۇل وتەكەشەۆانى كۇتپەگەن جەردەن ەلوردانىڭ اۋەجايىنان كەزدەستىرىپ قالدىق. اۋەجاي قىزمەتكەرلەرى ونەر جۇلدىزىن كەلىپ قالعان حالىقارالىق ايەلدەر كۇنى مەرەكەسىمەن قۇتتىقتادى. ونەر مايتالمانى قوستاناي قالاسىنا ۇشىپ بارا جاتىر ەكەن.
«مەرەكەنى كەشەدەن باستاپ سەزىنىپ جاتىرمىن. قازاق ۇلتتىق ونەر ۋنيۆەرسيتەتىندە ءدارىس بەرەمىن. بىزدە سالتاناتتى شارا ءوتتى، سودان كەلە جاتىرمىن. ءبىزدىڭ رەكتور بەلگىلى مۋزىكانت، تانىمال سكريپكاشى ايمان مۇساقوجايەۆانىڭ ءوزى. سالتاناتتى شاراعا ارتىستەرمەن قاتار ستۋدەنتتەر دە قاتىستى. سوندىقتان بىزدە مەرەكە كەشە باستالىپ كەتكەن»، - دەدى مەرۋەرت وتەكەشەۆا ەلوردا اۋەجايىندا تىلشىلەردىڭ سۇراعىنا جاۋاپ بەرە تۇرىپ. ونىڭ ايتۋىنشا، ايەل زاتى ءار وتباسىنىڭ قۇتى.
«ءبىز وتانىمىزدى سۇيەمىز. ايەلسىز وتباسى بولمايدى. ايەل ول - قارىنداس، اپكە، انا، اجە. ءبىز ەلىمىزدە ءومىر ءسۇرىپ، جاقسىلىق جاساۋ ءۇشىن ءوزىمىزدى قورعاۋىمىز كەرەك. بارلىق ايەل زاتىنا دەنساۋلىق پەن وتباسىلىق جاقسىلىق تىلەيمىن. ارينە، وتانىمىز تىنىش بولسىن. ءبىزدىڭ ەل ۇلىلار ءومىر سۇرگەن قاسيەتتى جەر. سوندىقتان دا بارشا جانعا جاقسىلىق، بەيبىتشىلىك پەن تىنىشتىق تىلەيمىن»، - دەيدى ول.
بۇعان دەيىن حابارلاعانىمىزداي، بۇگىن ەلوردا اۋەجايىنىڭ قىزمەتكەرلەرى ايەلدەردى 8-ناۋرىز مەرەكەسىمەن قۇتتىقتاپ، گۇل شوقتارىن سىيلادى.
