الماتى پوليتسياسى جول بويىنا اقشا شاشقان جۇرگىزۋشىنى ىزدەستىرىپ جاتىر
وقيعا ۆيدەوسى الەۋمەتتىك جەلىدە تارادى.
«الماتىلىق جىگىت ءجۇرىپ كەلە جاتىپ ەكى ميلليون تەڭگەسىن شاشىپ الدى. اقشاسىن كورسەتىپ ماقتانعىسى كەلدى، ءبىراق جۇزەگە اسپادى»، - دەپ جازدى ۆيدەونىڭ سيپاتاماسىندا.
الماتى قالالىق پوليتسيا دەپارتامەنتى باسشىسىنىڭ تەرگەۋ جۇمىسى جونىندەگى ورىنباسارى رۋستام ءابدىراحمانوۆ جۇرگىزۋشىنىڭ ىزدەستىرىلىپ جاتقانىن ءمالىم ەتتى.
«جۇرگىزۋشى ءوز ءىس-ارەكەتتەرىمەن جولدا اپاتتىق جاعداي تۋعىزدى. سونىمەن قاتار كولىك جۇرگىزۋ كەزىندە ءتارتىپتىڭ ساقتالۋىنا نازار اۋدارعان جوق، دەمەك بۇل قايعىلى جاعدايعا اكەلۋى مۇمكىن ەدى. ۆيدەونىڭ استىنداعى بەلگىلەردىڭ ارقاسىندا ءبىز بۇل فاكتىنى ەسەپكە الدىق جانە قۇقىق بۇزۋشىنى ىزدەپ جاتىرمىز. جول بويىندا مۇنداي مىنەز- قۇلىققا جول بەرىلمەيتىندىگىن ەسكە سالامىن»، - دەدى الماتى پ د باستىعىنىڭ ورىنباسارى رۋستام ءابدىراحمانوۆ.
