رەسەي-ۋكراينا ماسەلەسى: ۇلى بريتانيا قازاقستانعا سانكسيا ەنگىزۋگە نيەتتى ەمەس ەكەنىن راستادى

نۇر-سۇلتان. قازاقپارات - قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو ۇلى بريتانيانىڭ ورتالىق جانە وڭتۇستىك ازيا، سولتۇستىك افريكا ىستەرى جونىندەگى مەملەكەتتىك ءمينيسترى لورد تاريك احمادپەن بەينە- كەزدەسۋ وتكىزدى، سونداي-اق ۇلى بريتانيانىڭ قازاقستانداعى ەلشىسى كەتي ليچتى قابىلدادى، دەپ حابارلايدى قازاقپارات.

ق ر سىرتقى ىستەر مينيسترلىگىنەن ءمالىم ەتكەندەي، سۇحباتتاستار ۋكرايناداعى جاعدايدى جانە سوعىس قيمىلدارىن توقتاتۋ جانە تاراپتاردى بەيبىت جولمەن شەشۋگە قايتارۋ بويىنشا حالىقارالىق دەڭگەيدە قابىلدانعان قادامداردى تالقىلادى.

«بريتاندىق تاراپ رەسەيدىڭ ۋكرايناداعى اسكەري وپەراتسياسىنا بايلانىستى قازاقستانعا قاتىستى قانداي دا ءبىر سانكسيا ەنگىزۋگە نيەتتى ەمەس ەكەنىن راستادى»، - دەدى مينيسترلىكتەن.

بۇدان بولەك، تاراپتار ديپلوماتيالىق قارىم-قاتىناستاردىڭ 30 جىلى ىشىندە قول جەتكىزىلگەن ءوزارا سەنىم مەن كەڭ اۋقىمدى ءوزارا ءتيىمدى ىنتىماقتاستىقتىڭ جوعارى دەڭگەيىن اتاپ ءوتتى. كەزدەسۋ قورىتىندىسى بويىنشا تالقىلانعان تاقىرىپتاردىڭ بارلىق سپەكترى بويىنشا تولىق ءوزارا تۇسىنىستىك راستالدى جانە ەكىجاقتى قاتىناستاردى ودان ءارى بەلسەندى جانە جان-جاقتى دامىتۋعا ءوزارا دايىندىق ءبىلدىرىلدى.