قىتاي اسكەري قورعانىسقا بولىنەتىن قاراجاتتى تاعى دا كوبەيتەدى

بەيجىڭ. قازاقپارات - قىتاي بيلىگى 2022-جىلى ۇلتتىق قورعانىس شىعىندارىن %7,1 عا - 1,451 تريلليون يۋانعا (229 ميلليارد دوللار) دەيىن ارتتىرۋدى جوسپارلاپ وتىر، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

«قىتايدا ۇلتتىق قورعانىس شىعىندارى %7,1 عا ءوسىپ، 1,451 تريلليون يۋانعا (229 ميلليارد دوللار) جەتەدى. ونىڭ ىشىندە قوعامدىق قاۋىپسىزدىكتى قامتاماسىز ەتۋ شىعىندارى %4,7 عا ءوسىپ، 194,993 ميلليارد يۋانعا (شامامەن 30,8 ميلليارد دوللار) شىعادى»، - دەلىنگەن قىتاي ۇكىمەتىنىڭ بايانداماسىندا .

ايتا كەتسەك، 2021-جىلى قىتايدىڭ قورعانىسقا بولىنگەن قاراجاتى %6,8 عا ءوسىپ، 1,356 تريلليون يۋاندى (200 ميلليارد دوللاردان اسادى) قۇراعان بولاتىن.