ۋكراينا-رەسەي ماسەلەسى: قازاقستاندىق كاسىپكەرلەرگە كومەكتەسەتىن شۇعىل شتاب جۇمىس ىستەيدى
«اتامەكەن» ۇلتتىق كاسىپكەرلەر پالاتاسى ءتورالقاسىنىڭ ءتوراعاسى رايىمبەك باتالوۆ تىكەلەي ەفيردە وتكەن بريفينگىدە وسىنداي مالىمەت ايتتى، دەپ حابارلايدى قازاقپارات ءتىلشىسى.
«ۋكرايناعا تاۋار وتكىزۋ بۇزىلدى، كورشى ەلدەرگە تاۋار وتكىزۋ بۇزىلدى. وسىنداي كۇيىپ تۇرعان ماسەلەلەر تولىپ جاتىر. پرەمەر-مينيسترمەن كۇن سايىن كەشكە شتاب جيىنى وتەدى. كەرەك مينيسترلەردىڭ ءبارى سول شتابقا قاتىسادى. ءار ماسەلەنى پىسىقتاپ، ناقتى فاكتىلەردى بەرىپ وتىرمىز. سول فاكتىلەر بويىنشا بىردەن تاپسىرمالار بەرىلەدى. ماسەلەلەر وسىنداي جولمەن شەشىلىپ جاتىر. ازىرگە الگورتيمدەردى ازىرلەپ جاتىرمىز. دۇرىس الگوريتمدى سىناپ، تاڭداپ جاتىرمىز دەسەك بولادى»، - دەدى پالاتا ءتورالقاسىنىڭ ءتوراعاسى.
ونىڭ ايتۋىنشا، جاعداي شىنىمەن دە توتەنشە. «رۋبلدىڭ كەسىرىنەن تەڭگە باعامى قالاي قۇبىلعانىن كورىپ وتىرسىزدار. مۇنداي كۇيىپ تۇرعان ماسەلەلەر وتە كوپ. وڭىرلىك پالاتالاردىڭ ءبارى وسىنداي رەجيممەن جۇمىس ىستەپ جاتىر. سونداي-اق، كورشى ەلدەردەگى گەوساياسي جاعدايعا بايلانىستى تۋىنداعان پروبلەمالاردى بىرنەشە ساناتقا ءبولىپ قاراپ جاتىرمىز. شاعىن جانە ميكرو، ءىرى جانە ورتا بيزنەس دەپ ءبولىپ قاراپ جاتىرمىز»، - دەدى رايىمبەك باتالوۆ.
