ۇكىمەتتە مەملەكەتتىك شىعىستاردىڭ تيىمدىلىگىن تالداۋ ادىستەمەسىن قۇرۋ ماسەلەسى قارالدى
قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.
ق ر پرەزيدەنتى اعىمداعى جىلعى 8- اقپاندا ۇكىمەتتىڭ كەڭەيتىلگەن وتىرىسىندا مەملەكەتتىك شىعىستاردىڭ الەۋمەتتىك-ەكونوميكالىق تيىمدىلىگىن تالداۋ ادىستەمەسىن ازىرلەۋ مىندەتىن قويدى.
ادىستەمەنى ازىرلەۋ جۇمىستارىنىڭ بارىسى تۋرالى قارجى مينيسترلىگىنىڭ، ۇلتتىق ەكونوميكا مينيسترلىگىنىڭ، ەسەپ كوميتەتىنىڭ ءبىرىنشى باسشىلارىنىڭ ورىنباسارلارى باياندادى.
تالداۋ مەملەكەتتىك شىعىستاردىڭ الەۋمەتتىك اسەرىن كورسەتۋى ءتيىس: جۇمىسپەن قامتۋدى قامتاماسىز ەتۋ، قىزمەتكەرلەردىڭ كىرىستەرىن ۇلعايتۋ، جۇمىس كۇشىنىڭ ساپاسىن جەتىلدىرۋ، سونداي-اق سالىق سالىناتىن بازانى كەڭەيتۋدى جانە تولەنەتىن سالىقتار كولەمىن ۇلعايتۋدى قوسا العاندا، ەكونوميكالىق اسەردى باعالاۋ.
ب. سۇلتانوۆ تالداۋدى ازىرلەۋ بارىسىندا 2018-جىلدان بەرگى بارلىق مەملەكەتتىك باعدارلامالار بويىنشا بيۋجەت قاراجاتىن جۇمساۋ تاجىريبەسىنە الەۋمەتتىك-ەكونوميكالىق اناليزدىڭ رەتروسپەكتيۆاسىن ەسكەرۋدى تاپسىردى.
بۇل رەتتە ۇكىمەتتىڭ، ستراتەگيالىق جوسپارلاۋ اگەنتتىگىنىڭ جانە ەسەپ كوميتەتىنىڭ كۇش-جىگەرىن ۇيلەستىرۋ قاجەت.
