شىمبۇلاقتا ادامدار قار بارىسىن ۆيدەوعا ءتۇسىرىپ الدى
ونىڭ ۆيدەوسى الەۋمەتتىك جەلىدە تارادى. بەينەجازبادان قار بارىسىنىڭ الاڭسىز جوعارى شىعىپ بارا جاتقانىن كورۋگە بولادى. كولىك ىشىندە وتىرعان كۋاگەرلەردىڭ تاڭعالسىندا شەك جوق.
«شىمبۇلاق، قار بارىسى. ءماسساعان، نە دەگەن ادەمى»، - دەپ تاعالدى كۋاگەرلەردىڭ ءبىرى.
ىلە الاتاۋى مەملەكەتتىك ۇلتتىق تابيعي پاركى وكىلدەرىنىڭ ايتۋىنشا، تۋريستەردىن تۇسىرگەن بەينەجازباسى سيرەك كەزدەسەتىن وقيعا.
«شىمبۇلاق شاتقالىندا تۋريستەر تۇسىرگەن قار بارىسىنىڭ ۆيدەوسى كوپشىلىكتىڭ نازارىن اۋدارىپ، قىزىعۋشىلىعىن تۋدىردى. بارىس ناق وسى ءتۇسىرىلىم بولعان جەردە تۇراقتى مەكەندەمەيدى. ونىڭ بۇل ايماققا كەلۋى قورەگى سانالاتىن تۇياقتى جانۋارلاردىڭ (ەلىك، ءسىبىر تاۋەشكىسى، ت. ب.) ميگراتسياسىنا تىكەلەي بايلانىستى بولۋى مۇمكىن»، - دەپ حابارلادى ىلە الاتاۋ م ۇ ت پ عىلىمي زەرتتەۋ جۇمىستارى جانە تاۋلى اگروبيوارتۇرلىلىك بولىمىنەن.
اۆتور: الما مۇقانوۆا
