الماتىدا شىنتاعىمەن اۆتوبۋس ايداعان جۇرگىزۋشى جازالاندى - ۆيدەو

الماتى. قازاقپارات - الماتىدا قولىندا سمارتفون ۇستاپ، اۆتوبۋس ءرولىن شىنتاعىمەن باسقارعان جاۋاپقا تارتىلدى.

بۇل تۋرالى الماتى قالالىق پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆ Facebook-كە جازدى، دەپ حابارلايدى قازاقپارات ءتىلشىسى.

كۋاگەرلەر ۆيدەونى 16-اقپان كۇنى ءتۇسىرىپ، الەۋمەتتىك جەلىگە سالعان. ۆيدەو استىنا جەلى قولدانۋشىلارى رۋستام ابدراحمانوۆتى بەلگىلەگەن بولاتىن. وسىعان وراي، الماتى قالالىق پوليتسيا دەپارتامەنتىنىڭ پاترۋلدىك پوليتسيا پولكىنىڭ قىزمەتكەرلەرىنە تەكسەرۋ جۇرگىزۋ تاپسىرىلعان ەدى. «قۇقىقبۇزۋشى انىقتالدى. ول 1987 -جىلى تۋعان ۋ. ەسىمدى ازامات بولىپ شىقتى. ول ءا ق ب ت ق ر ك-نىڭ 591-بابىنىڭ 1-بولىگىمەن اكىمشىلىك قۇقىق بۇزۋشىلىق جاساعانى ءۇشىن جاۋاپقا تارتىلدى. 3-ناۋرىزدا جۇرگىزۋشىگە حاتتاما تولتىرىلدى»، - دەپ جازدى رۋستام ابدراحمانوۆ.

ول سونداي-اق جول بويىندا مۇنداي ارەكەتكە جول بەرىلمەيتىنىن ەسكە سالدى.