ماماندار الماتىداعى پرەزيدەنت رەزيدەنسياسى نەلىكتەن سۇرىلەتىنىن ءتۇسىندىردى - فوتو
قازاقستان رەسپۋبليكاسى پرەزيدەنتى ءىس باسقارماسىنىڭ اتىنا ب ا ق- تان قاڭتارداعى قايعىلى وقيعالار كەزىندە قيراعان جانە ورتەنگەن پرەزيدەنتتىڭ الماتى قالاسىنداعى رەزيدەنتسياسىن بۇزۋ سەبەپتەرى جونىندە سۇراقتار كەلىپ ءتۇسىپ جاتىر.
قازىرگى ۋاقىتتا قازاقستاندىق كوپسالالى قايتا قۇرۋ جانە دامۋ ينستيتۋتى (قاز ق د ك ي) ساراپشىلارىنىڭ تۇپكىلىكتى قورىتىندىسى شىققان. ولار رەزيدەنسيا عيماراتىنىڭ «پايدالانۋعا شەكتەۋلى عانا جارامدى» ەكەنىن انىقتادى.
ءورتتىڭ جانە اسا جوعارى تەمپەراتۋرانىڭ سالدارىنان بارلىق تىرەۋىش قۇرىلىمدارى مەن شاتىردىڭ نەگىزى بولىپ تابىلاتىن مەتالل ەلەمەنتتەرى زاقىمدالعان.
عيماراتتىڭ ساقتالعان فراگمەنتتەرىندە ىستىڭ ءيىسىن تولىعىمەن جويۋ مۇمكىن ەمەس. سونىمەن قاتار، بۇگىنگى تاڭدا وبەكتىنىڭ قۇرىلىمدىق ەلەمەنتتەرىنىڭ ءبىر بولىگى قولدانىستاعى قۇرىلىس نورمالارى مەن ەرەجەلەرىنە سايكەس كەلمەيدى. عيماراتتىڭ نەگىزگى كونسترۋكسيالارىن قالپىنا كەلتىرۋ جانە ونى سەيسميكالىق كۇشەيتۋ قوماقتى قارجىنى تالاپ ەتەدى.
ساراپشىلاردىڭ پىكىرىنشە، رەزيدەنسيا عيماراتىن قايتا جابدىقتاپ، ونى پايدالانۋ قاۋىپسىز ەمەس. قازاقستان رەسپۋبليكاسىنىڭ زاڭناماسىنا ساي وسىنداي مارتەبەسى بار وبەكتىلەرگە قاتىستى تالاپ ەتىلەتىن، رەسپۋبليكالىق ماڭىزى بار تاريحي ەسكەرتكىشتى بۇزۋعا قاتىستى بارلىق راسىمدەر ساقتالا وتىرىپ جۇزەگە اسىرىلادى.
