الماتى اكىمدىگىنىڭ بىرنەشە باسقارماسى اتاۋىن وزگەرتەدى

نۇر -سۇلتان. قازاقپارات - الماتى اكىمدىگىنىڭ بىرنەشە باسقارماسى اتاۋىن وزگەرتۋ تۋرالى شەشىم قابىلدادى.

بۇل ۇسىنىستى «الماتى قالاسىن باسقارۋ سحەماسىن بەكىتۋ تۋرالى» ماسەلە بويىنشا وتكەن ءماسليحات سەسسياسىندا الماتى اكىمى اپپاراتىنىڭ باسشىسى اسات نۇرپەيىسوۆ ايتتى.

«ۇيىمداردا ەڭبەك زاڭناماسىنىڭ ساقتالۋىنا مەملەكەتتىك باقىلاۋدى قامتاماسىز ەتۋ، قىزمەتكەرلەردىڭ قۇقىقتارى مەن بوستاندىقتارىن، ونىڭ ىشىندە ءقاۋىپسىز ەڭبەك جاعدايلارىنا قۇقىعىن قورعاۋ ماقساتىندا ەڭبەك ينسپەكتسياسىن ءبولىپ، الەۋمەتتىك قورعاۋ ءبولىمىن قايتا قۇرۋ ۇسىنىلادى»، - دەدى نۇرپەيىسوۆ.

سونداي-اق، فۋنكسيالاردى قوعامدىق دامۋ باسقارماسىنا بەرە وتىرىپ، شىعارماشىلىق يندۋستريا باسقارماسىن جاستار ساياساتى ماسەلەلەرى باسقارماسى دەپ اتاۋ ۇسىنىلدى. بۇل رەتتە شىعارماشىلىق سالالاردى دامىتۋ فۋنكتسيونالى كاسىپكەرلىك جانە ينۆەستيتسيالار باسقارماسىنا بەرىلەدى.

«جوبادا ەنەرگيا تيىمدىلىگىن ارتتىرۋ جانە ينفراقۇرىلىمدى دامىتۋ باسقارماسىن - ەنەرگەتيكا جانە سۋمەن جابدىقتاۋ باسقارماسى، تۇرعىن ءۇي ساياساتى ءبولىمىن - كوممۋنالدىق ينفراقۇرىلىمدى دامىتۋ باسقارماسى، جاسىل ەكونوميكا ءبولىمىن - ەكولوگيا جانە قورشاعان ورتانى قورعاۋ دەپارتامەنتى، جايلى ورتانى دامىتۋ باسقارماسىن - قۇرىلىس باسقارماسى، قوعامدىق دەنساۋلىق باسقارماسىن - قوعامدىق دەنساۋلىق ساقتاۋ باسقارماسى دەپ وزگەرتۋ كوزدەلگەن»، - دەدى نۇرپەيىسوۆ ءماسليحات سەسسياسىندا.

بارلىق دەپۋتات جوبانى قولداپ داۋىس بەردى، قارسى بولعاندار جوق. الماتى قالاسىن باسقارۋدىڭ جاڭا قۇرىلىمى جوباسى ماقۇلداندى. وزگەرىستەر 2022 -جىلدىڭ 1-مامىرىنا دەيىن ەنگىزىلەدى دەپ جوسپارلانعان.

Tengrinews.kz