قازاقستان ايەلدەرى: ستاتيستيكا، سيفرلار، پروبلەمالار
مۇنداي دەرەكتى ranking.kz پورتالى ۇسىندى، دەپ حابارلايدى قازاقپارات ءتىلشىسى.
پورتال دەرەگىنشە، وسى جىلدىڭ باسىنداعى مالىمەتتەرگە سايكەس ەلىمىزدە 9,84 ميلليون ايەل بار جانە ەل حالقىنىڭ 51,4 پايىزىن قۇرايدى. بۇل ءبىر جىل بۇرىنعى كورسەتكىشتەن 1,2 پايىزعا كوپ. ەڭبەك نارىعىندا دا ايەلدەردىڭ ۇلەسى باسىم. ەكونوميكالىق بەلسەندى حالىقتىڭ 48,5 پايىزىن ايەلدەر قۇرايدى. ەلىمىزدە جۇمىسپەن قامتىلعانداردىڭ 48,1 پايىزى، بارلىق جالدامالى جۇمىستاردىڭ 48,9 پايىزى - ايەلدەر. جەكە كاسىپكەرلىكتە دە نازىك جاندىلاردىڭ ۇلەسى زور.
2021 -جىلدىڭ سوڭىندا ايەلدەر باسشىلىق ەتەتىن تىركەلگەن كاسىپكەرلىك سانى 9,1 پايىزعا، 625,1 مىڭعا دەيىن ارتتى. بۇل رەتتە جەكە كاسىپكەرلىكتە قىز- كەلىنشەكتەر وتە بەلسەندى.
اتاپ ايتار بولساق، 29 جاسقا دەيىنگى ايەلدەر باسقاراتىن جەكە كاسىپكەرلىكتەردىڭ سانى جىل ىشىندە 37,2 پايىزعا ارتىپ، 88,7 مىڭعا جەتتى. جالپى، قازاقستاننىڭ جالپى ىشكى ونىمىنە ايەلدەر قوساتىن ۇلەس 40 پايىزعا جۋىقتايدى.
دەگەنمەن، ەلىمىزدە ايەلدەرگە قاراعاندا ەرلەر جالاقىنىڭ 22 پايىزعا جوعارى الادى. وتكەن جىلدىڭ 4-توقسانىندا قازاقستاندا جۇمىسسىزدىق دەڭگەيى 4,9 پايىز بولدى. ونىڭ ىشىندە ەرلەر اراسىندا جۇمىسسىزدىق 4,1, ال ايەلدەر اراسىندا 5,1 پايىزدى قۇرايدى. ءبىراق، ەرلەرگە قاراعاندا ايەلدەر ءبىرشاما ءبىلىمدى ءارى بىلىكتى مامان بولىپ كەلەدى.
ماسەلەن، پاندەمياعا دەيىن قازاقستاندا ايەلدەردىڭ جوعارى بىلىممەن قامتىلۋى 73,2 پايىز، ال ەرلەر 61,1 پايىز بولعان.
