الماتىدا ماسكا رەجيمى قاشان الىنادى

الماتى. قازاقپارات - الماتى قالاسى سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا بريفينگ بارىسىندا مەگاپوليستە ماسكا رەجيمىن الۋ تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

«قازىر الماتى قالاسىنىڭ «جاسىل» ايماقتا بولۋى كوروناۆيرۋس ينفەكتسياسىنىڭ بەسىنشى تولقىنىن اياقتادىق دەگەندى بىلدىرمەيدى. بۇل ءالى دە جالعاسىپ جاتىر. سوندىقتان بۇگىنگى كۇنى ماسكا رەجيمىن الىپ تاستاۋ ماسەلەسى قاراستىرىلماعان»، - دەپ جاۋاپ بەردى اسەل قالىقوۆا.

ايتا كەتەيىك، الماتى 27-اقپاننان بەرى كوروناۆيرۋس بويىنشا «جاسىل» ايماققا اۋىستى. ينفەكسيا جۇقتىرعاندار سانى تومەندەپ كەلەدى.

ماسەلەن، سوڭعى تاۋلىكتە 68 ادامنان كوروناۆيرۋس انىقتالدى. بارلىق ەمدەلىپ شىعارىلعاندار - 27، كەلىپ تۇسكەنى - 22. ينفەكسيالىق ستاتسيونارلاردا 283 ادام جاتىر. ونىڭ 10 بالا. جالپى رەانيماتسيا جانە قارقىندى تەراپيا بولىمشەسىندە - 32 ناۋقاس بار.