ۋكراينادا رەسەي اۋە-دەسانت اسكەرىنىڭ گەنەرال-مايورى قازا بولدى - ب ا ق
بۇل تۋرالى ونىڭ ارىپتەسى سەرگەي چيپيليەۆ ۆكونتاكتە-پاراقشاسىندا مالىمدەدى، - دەپ حابارلايدى Tengrinews.kz ءتىلشىسى.
«ارنايى وپەراتسيا كەزىندە دوسىمىز گەنەرال-مايور اندرەي الەكساندروۆيچ سۋحوۆەتسكيدىڭ ۋكراينا اۋماعىندا قازا بولعانى تۋرالى حاباردى قايعىرا قابىلدادىق. اندرەي الەكساندروۆيچتىڭ وتباسىنىڭ قايعىسىنا ورتاقتاسىپ كوڭىل ايتامىز»، - دەپ جازدى ول.
بۇل اقپاراتتى «كومسومولسكايا پراۆدا» باسپاسىنىڭ اسكەري ءتىلشىسى الەكساندر كوتس Telegram-ارناسىندا راستادى. ول«رەسەي دەسانتشىلارى وداعىنىڭ» بۇكىلوداقتىق اۋە-دەسانتتىق كۇشتەرىنىڭ كيروۆ وبلىسىنداعى وكىلى سەرگەي چيپيليەۆتىڭ مالىمەتىنە سىلتەمە جاساعان.
اندرەي سۋحوۆەتسكي 1995-جىلى ريازان جوعارى اۋە-دەسانتتىق كوماندالىق ۋچيليشەسىن 1995-جىلى بىتىرگەن. رەسەي قورعانىس مينيسترلىگى سايتىنداعى دەرەكتەرگە سۇيەنسەك، ول ۆزۆود كومانديرىنەن گۆارديالىق دەسانتتىق-شابۋىلداۋ بولىمشەسىنىڭ شتاب باستىعىنا دەيىن ءتۇرلى قىزمەت اتقارعان.
