17:27, 03 - ناۋرىز 2022 | GMT +5
گااگا سوتى ۋكرايناعا قاتىستى جاعدايدى تەرگەۋگە كىرىستى
نۇر- سۇلتان. قازاقپارات - گااگاداعى حالىقارالىق قىلمىستىق سوت ۋكرايناعا قاتىستى جاعدايدى تەرگەۋگە كىرىستى. بۇل تۋرالى پروكۋرور كاريم حان مالىمدەدى.
رەسمي اقپارات بويىنشا، وسى ساتكە دەيىن 38 مەملەكەت رەسەيدىڭ ۇستىنەن سوتقا شاعىم تۇسىرگەن. بۇعان دەيىن گااگاداعى حالىقارالىق قىلمىستىق سوتتىڭ باس پروكۋرورى ۋكرايداناعى جاعدايعا قاتتى الاڭداۋشىلىق ءبىلدىرىپ، تەرگەۋ ءىسىنىڭ تەز ارادا باستالاتىنىن ەسكەرتكەن بولاتىن.
ەستەرىڭىزگە سالا كەتەيىك، وسىنىڭ الدىندا پرەزيدەنت ۆلاديمير زەلەنسكي رەسمي كيەۆ كرەملدى باسقىنشىلىق ارەكەتىن اقتاۋ ماقساتىندا «گەنوتسيد» ۇعىمىن بۇرمالاپ قولدانعانى ءۇشىن جاۋاپقا تارتۋدى سۇراعان ەدى.
www.24.kz
