مەملەكەتتىك مەكەمەلەردىڭ جۇمىسى ب ا ق ارقىلى باعالانباق
ۆەدومستۆو باسشىسى اسقار ۋماروۆ مينيسترلىكتىڭ كەڭەيتىلگەن القا ماجىلىسىندە وسىنداي جوسپارىن ءبولىستى، دەپ حابارلايدى قازاقپارات ءتىلشىسى.
«جالپى، بيىل دا الدىمىزدا مەملەكەتتىڭ اقپاراتتىق جۇمىس ساپاسىن، قازاقستاندىق ب ا ق- تىڭ باسەكەگە قابىلەتىن ودان ءارى دامىتۋ مىندەتى تۇر. مەملەكەت باسشىسىنىڭ تاپسىرماسىنا سايكەس، ۇكىمەتتىڭ اقپاراتتىق جۇمىسىنىڭ دەڭگەيىن ايتارلىقتاي كوتەرۋ قاجەت. وسىعان بايلانىستى مەملەكەتتىك مەكەمەلەردىڭ جۇمىسىن ب ا ق ارقىلى باعالاۋ كوزدەلىپ وتىر. بيىل ب ا ق سالاسىن دامىتۋدى ب ا ق جانە ۇكىمەتتىك ەمەس ۇيىم وكىلدەرىمەن كەڭىنەن تالقىلاماقپىز. بۇل جۇمىس اقپارات سالاسىن دامىتۋدىڭ 2023-2025 -جىلدارعا ارنالعان ۇلتتىق جوسپار شەڭبەرىندە جۇرگىزىلەدى»، - دەدى مينيستر.
سونداي- اق ول 2022-2023 -جىلدارعا ارنالعان جۋرناليستەردى وقىتۋ جونىندەگى ارنايى جوسپارى قولعا الىناتىنىن اتادى. ايتۋىنشا، بۇل مەديا مامانداردىڭ بىلىكتىلىگىن دامىتۋعا، حالىقتىڭ مەديا جانە اقپاراتتىق ساۋاتتىلىعىن قالىپتاستىرۋعا باعىتتالعان.
«قازاقستاندىق ينتەرنەت- سەگمەنتىن دامىتۋ بيىلعى باسىم باعىتتاردىڭ ءبىرى بولىپ قالا بەرەدى. قازاق تىلىندەگى ينتەرنەت- رەسۋرستاردى، مۋلتيمەديالىق كونتەنتتى جانە ونلاين- پلاتفورمالاردى دامىتۋ قاجەت. تۇرعىنداردىڭ مەديا ساۋاتىن ارتتىرۋ ءۇشىن ۇكىمەتتىك ەمەس ۇيىمدارمەن بىرلەسىپ مەديا جانە اقپاراتتىق ساۋاتتىلىق اپتاسىن وتكىزۋدى جوسپارلادپ وتىرمىز. سونىمەن قاتار، مەملەكەتتىك تەلەارنالاردى جەتىلدىرۋدىڭ جاڭا تاسىلدەرىن ازىرلەدىك. ماسەلەن، بيىل «24 KZ» مەملەكەتتىك تەلەارناسى جاڭا فورماتتا جۇمىس ىستەۋدى باستاپ وتىر. بۇل مەملەكەتتىڭ اقپارات ساياساتتى ءتيىمدى ءارى ساپالى جۇزەگە اسىرۋعا مۇمكىندىك بەرەدى. وعان قوسا، مەملەكەتتىك اقپاراتتىق تاپسىرىس مەحانيزمدەرى جەتىلدىرىلەتىن بولادى»، - دەدى ۆەدومستۆو باسشىسى.
اۆتور: ەسىمجان ناقتىباي
