دوللاردىڭ قىمباتتاۋىنان قازاقستاندىقتاردىڭ جالاقىسى وسە مە؟
سەرىك شاپكەنوۆتىڭ ايتۋىنشا، مينيسترلىك بۇل باعىتتا جۇمىستاردى جالعاستىرىپ جاتىر.
«قازىر ۇلتتىق ەكونوميكا مينيسترلىگىندەگى ارىپتەستەرىمىزبەن ەكونوميكا قانداي سەناري بويىنشا ءوربيتىنىن پىسىقتاپ جاتىرمىز. شەشىمدى كۇتەيىك»، - دەدى مينيستر ءماجىلىس وتىرىسىنان كەيىن.
سەرىك شاپكەنوۆ مەملەكەت باسشىسى بۇعان دەيىن دە جالاقىنى كوتەرۋ ماسەلەسى بويىنشا تاپسىرمالار بەرگەنىن ەسكە سالدى. ونىڭ ايۋىنشا، مينيسترلىك بارلىق جەرگىلىكتى اتقارۋشى ورگان، بارلىق كاسىپورىنمەن جۇمىس جاساپ جاتىر.
«ءبىز كىمنىڭ جالاقىسى مەديانادان (ورتاشا كورسەتكىش - اۆت. ەسك. ) تومەن ەكەنىن تالدايمىز. ورتاشا جالاقى - 157 مىڭ تەڭگە. جۇمىس بەرۋشىلەرمەن ءوز قىزمەتكەرلەرىنىڭ جالاقىسىن كوتەرۋ بويىنشا جۇمىس ىستەپ جاتىرمىز. ولار قىزمەتكەرلەرىنىڭ ۇمتىلىسىن ءتۇسىنىپ، قولداۋ كورسەتۋى كەرەك»، - دەدى سەرىك شاپكەنوۆ.
سونداي-اق، شاپكەنوۆ حالىققا تولەنەتىن الەۋمەتتىك تولەمدەر تۋرالى دا ايتتى.
«بيىلعا 5 پايىز مولشەرىندە يندەكستەۋ جۇرگىزدىك. تەك دوللارعا بولا ءبارىن قايتا قاراۋ مۇمكىن ەمەس. ءبارى وعان بايلانىستى ەمەس»، - دەدى ول.
ايتا كەتەيىك، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ قانشا جالاقى الاتىنىن ايتقان بولاتىن.
