تۇركيادا ماسكا تاقپاي جۇرۋگە رۇقسات بەرىلدى

انكارا. قازاقپارات - تۇركيا ماسكا تاعۋعا قاتىستى شەكتەۋدى الىپ تاستادى. ەندى ەلدە جەلدەتۋ جەتكىلىكتى بولسا جانە الەۋمەتتىك قاشىقتىقتى ساقتاۋ مۇمكىندىگى بولسا، ماسكا تۇرىندەگى قورعانىس قۇرالدارىن پايدالانۋ قاجەت ەمەس، دەپ حابارلايدى قازاقپارات.

تۇركيانىڭ دەنساۋلىق ساقتاۋ ءمينيسترى فاحرەتتين كوجا كوروناۆيرۋستىڭ تارالۋىمەن كۇرەس جونىندەگى عىلىمي كەڭەس وتىرىسىنىڭ قورىتىندىسى بويىنشا وتكەن بريفينگتە ەلدە اشىق اۋادا جانە جاقسى جەلدەتىلەتىن جەرلەردە ماسكا كيۋدى مىندەتتەۋ الىناتىنىن ايتتى.

«بىزگە ەندى كوشەدە ماسكا تاعۋدىڭ قاجەتى جوق. ءبىراق بۇل مەديتسينالىق اتريبۋت كۇندەلىكتى ومىرىمىزدەن كەتپەيدى. ءتيىستى قاشىقتىق ساقتالماعان جابىق عيماراتتاردا ءالى دە قورعانىس قۇرالدارىن پايدالانۋىمىز كەرەك. تار كەڭىستىك، ۇشاق پەن كولىك كابينالارى، كورەرمەن زالدارى، مەديتسينا مەكەمەلەرى مەن وقۋ ورىندارىندا ءالى دە ماسكا تاعۋعا تۋرا كەلەدى. سونىمەن قاتار، قارت ادامدار مەن سوزىلمالى اۋرۋعا شالدىققان ادامدارعا قورعانۋعا كەڭەس بەرىلەدى»، - دەدى مينيستر.

سونىمەن قاتار، ەلدە COVID- كە قارسى ەرەجەلەردىڭ باسقا دا جەڭىلدەتۋلەرى بەكىتىلدى. ەندى ەل مەكتەپتەرىندە سىنىپتاردا ۆيرۋس جۇقتىرعان وقۋشىدان كەم بولسا، سىنىپ كارانتينگە جابىلمايدى، ال قالعان بالالار وقۋىن وقشاۋلانباي جالعاستىرا الادى. ادامداردا كوروناۆيرۋس بەلگىلەرى بولماسا، ولاردان پ ت ر تەستىلەرى الىنبايدى. COVID-19 جۇقتىرعاندارمەن بايلانىستا بولعان جانە اۋرۋ بەلگىلەرى جوق ادامدار ەندى قوعامنان وقشاۋلانبايدى. سونىمەن قاتار، تۇركيادا كەلەسى اپتادان باستاپ بارلىق مەديتسينالىق مەكەمەلەردە وتاندىق TURKOVAC ۆاكتسيناسى ەگىلەدى.

ءمينيستردىڭ ايتۋىنشا، تۇركيا ەپيدەميالىق پروتسەستىڭ باستاپقى كەزەڭىندە بارلىق قاجەتتى شارالاردى قابىلداعان جانە سونىڭ ناتيجەسىندە پاندەميا قۇرباندارىنىڭ بارىنشا از بولۋىن قامتاماسىز ەتكەن العاشقى ەلدەردىڭ ءبىرى بولدى. تۇركيا دەنساۋلىق ساقتاۋ مينيسترلىگىنىڭ مالىمەتىنشە، وتكەن تاۋلىكتە ەلدە COVID-19 عا 407536 سىناق جۇرگىزىلدى، ونىڭ ىشىندە 56780 ادامنان ۆيرۋس انىقتالدى، 189 ادام قايتىس بولدى، دەرتتەن 68268 ادام جازىلدى. ەلدە ادامدارعا سالىنعان ۆاكسينانىڭ جالپى سانى 145801884 دوزاعا دەيىن ءوستى.