گولوۆكين مەن مۋراتا اراسىنداعى ايقاس نەشەدە باستالاتىنى انىقتالدى

نۇر-سۇلتان. قازاقپارات - ورتا سالماقتا IBF جانە IBO چەمپيونى گەننادي گولوۆكين (41-1-1، 36 ك و) مەن WBA «سۋپەرچەمپيونى» جاپونيالىق ريوتا مۋراتانىڭ (16-2، 13 ك و) ايقاسى نەشەدە باستالاتىنى انىقتالدى، دەپ جازادى Vesti.kz ءتىلشىسى.

قازاقستاندىق پەن جاپونيالىق اراسىنداعى ايقاس 9- ساۋىردە سايتاما قالاسىنداعى Saitama Super ارەناسىندا وتەدى.

ينسايدەر مايك كوپپيندجەردىڭ مالىمەتى بويىنشا، جەكپە-جەك كەشى جاپونيا تەلەارناسىنداعى پرايم-تايم ۋاقىتىندا باستالادى.

ال باستى ايقاس جەرگىلىكتى ۋاقىت بويىنشا 22:20 تە باستاۋ الادى. ال قازاقستاندىق جانكۇيەرلەر بۇل كەزدەسۋدى نۇر-سۇلتان ۋاقىتى بويىنشا كەشكى 19:20 دە كورە الادى.