ءىلياس وسەروۆ ق ر ۇلتتىق ەكونوميكا ۆيتسە-ءمينيسترى بولىپ تاعايىندالدى

نۇر-سۇلتان. قازاقپارات - ق ر ۇكىمەتىنىڭ قاۋلىسىمەن ءىلياس ەرىك ۇلى وسەروۆ قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى قىزمەتىنە تاعايىندالدى.

بۇل تۋرالى ق ر پرەمەر-ءمينيسترىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

ءىلياس وسەروۆ 1985-جىلى الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، تۇران-استانا ۋنيۆەرسيتەتىن بىتىرگەن. ەڭبەك جولىن 2007-جىلى «سبەربانك» ا ق اكىمشىسى، جەتەكشى مامانى، مەنەدجەرى بولىپ باستادى.

2009-2010-جىلدارى - ق ر ەكونوميكا جانە بيۋجەتتىك جوسپارلاۋ مينيسترلىگىنىڭ ينۆەستيتسيالىق ساياسات دەپارتامەنتىندە ءتۇرلى لاۋازىمدار اتقاردى.

2010-2013-جىلدارى - ق ر ەكونوميكالىق دامۋ جانە ساۋدا مينيسترلىگى ينۆەستيتسيالىق ساياسات دەپارتامەنتىنىڭ ساراپشىسى، باس ساراپشىسى.

2013-2014-جىلدارى - ق ر ەكونوميكا جانە بيۋجەتتىك جوسپارلاۋ مينيسترلىگىنىڭ باسقارما باسشىسى.

2014-2015-جىلدارى - قارجى، اقپاراتتاندىرۋ جانە اقپاراتتىق رەسۋرستاردى قورعاۋ دەپارتامەنتى اقپاراتتىق قاۋىپسىزدىك باسقارماسىنىڭ باس ساراپشىسى؛

ق ر باس پروكۋراتۋراسى جانىنداعى ماتەريالدىق-تەحنيكالىق قامتاماسىز ەتۋ باسقارماسىنىڭ باسشىسى.

2015-2019-جىلدارى - الماتى قالاسى ەكونوميكا جانە بيۋجەتتىك جوسپارلاۋ باسقارماسى باسشىسىنىڭ ورىنباسارى، باسشىسى.

2019-جىلى الماتى قالاسى ەكونوميكا جانە بيۋجەتتىك جوسپارلاۋ باسقارماسىنىڭ باسشىسى بولدى.

2019-جىلدىڭ مامىر ايىنان قازىرگى ۋاقىتقا دەيىن الماتى قالاسى اكىمىنىڭ ورىنباسارى قىزمەتىن اتقاردى.

ەسكە سالايىق، بۇگىن سونداي-اق باۋىرجان باقىت ۇلى وماربەكوۆ ق ر ۇلتتىق ەكونوميكا ۆيتسە-ءمينيسترى قىزمەتىنە تاعايىندالعان بولاتىن.