ەڭبەك ۇجىمدارىنداعى ەرەۋىلدەردى رەتتەيتىن زاڭناما ازىرلەۋ تاپسىرىلدى
«ەڭبەك ۇجىمدارىندا سانكسيا بەرىلمەگەن ەرەۋىلدەر مەن شەرۋلەردىڭ بەلەڭ العانىن ەسكەرسەك، جۇمىسشىلاردىڭ تالاپتارىن ايتۋ پروتسەدۋرالارىن زاڭناما اياسىندا وڭتايلاندىرۋ كەرەك. ەڭبەك داۋلارى تۋىنداعان جاعدايدا ونى شەشۋدىڭ ناقتى زاڭنامالىق ۇلگىلەرى ايقىندالۋى قاجەت. مۇنداي شارا ەڭبەك داۋلارىن قۇقىق اياسىندا شەشۋگە مۇمكىندىك بەرەدى»، - دەدى ەرالى توعجانوۆ ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا ماجىلىسىندە.
سونداي-اق، ۆيتسە-پرەمەر سىرتقى كوشى-قون پروتسەسىن ايماقتاردىڭ جۇمىسپەن قامتۋ الەۋەتىن ەسكەرە وتىرىپ رەتتەيتىن ۇسىنىس دايىنداۋدى تاپسىردى.
«سىرتقى كوشى-قون بويىنشا ناقتى شەشىمدەر قابىلدايتىن ۋاقىت كەلدى. ونىڭ ىشىندە تۇركىستان، ماڭعىستاۋ وبلىستارىنا بايلانىستى ماسەلە بار. ماڭعىستاۋعا ادامدار ابدەن قونىستانىپ بولعاننان كەيىن، ەندى باسقا وڭىرلەرگە تاراتايىق دەگەن سۇراقتار تۋىنداپ جاتادى. سىرتتان كەلگەن ازاماتتاردى بىردەن ناقتى وڭىرلەرگە باعىتتاۋ كەرەك. ول بويىنشا سىزدەردەن ناقتى ۇسىنىستار كۇتەمىز»، - دەدى ۇكىمەت باسشىسىنىڭ ورىنباسارى.
