ەرالى توعجانوۆ باسشىلار مەن جۇمىسشىلاردىڭ ايلىق ايىرماشىلىعىن ازايتۋعا قاتىستى ايتتى
«ەڭبەك تابىسىنىڭ ديسبالانسىن جويۋ قاجەت. ونىڭ ىشىندە مەملەكەتتىك قولداۋ شارالارىمەن قامتىلعان كاسىپورىندارعا قىزمەتكەرلەرىنىڭ تابىسىن ارتتىرۋعا باعىتتالعان قارىمتا جاۋاپكەرشىلىكتەر جۇكتەلۋى كەرەك»، - دەدى ۇكىمەت باسشىسنىڭ ورىنباسارى.
ونىڭ ايتۋىنا قاراعاندا، باسشىلار مەن وندىرىستە تەر توگىپ جۇرگەن جۇمىسشىلاردىڭ ايلىعىنداعى ايىرماشىلىقتى قىسقارتۋ ماسەلەسىن جان- جاقتى پىسىقتاۋ قاجەت.
«بۇكىل كومپانيالاردا، سونىڭ ىشىندە كۆازيمەملەكەتتىك سەكتوردا دا باسشىلىق لاۋازىمداعى قىزمەتشىلەر مەن وندىرىستەگى پەرسونالدىڭ ايلىعىنداعى ايىرماشىلىقتى قىسقارتۋ تۋرالى ۇسىنىستى پىسىقتاۋ قاجەت. بۇل ەندى وڭاي ماسەلە ەمەس. بۇل جەردە ءبىراز ماسەلە بار ەكەنىن جاقسى بىلەمىز. كاسىپوداق وكىلدەرى دە بۇل ماسەلەنى كوتەرىپ جاتىر. سوندىقتان ونى بىرگە قاراستىرۋعا ءبىز دايىنبىز»، - دەدى ەرالى توعجانوۆ.
اۆتور: ەسىمجان ناقتىباي
