سپورتتا جوعارى ناتيجە كورسەتكەندەر ءومىر بويى ماتەريالدىق قامتاماسىز ەتىلمەك

نۇر- سۇلتان. قازاقپارات - ەلىمىزدە الەم، وليمپيادا چەمپيوندارىن ءومىر بويى ماتەريالدىق قامتاماسىز ەتۋ ماسەلەسى پىسىقتالىپ جاتىر.

بۇل تۋرالى ق ر مادەنيەت جانە سپورت ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«الەۋمەتتىك قولداۋداعى كەلەسى ماڭىزدى ماسەلە - جوعارى سپورتتىق ناتيجە ءۇشىن ءومىر بويى اي سايىن ماتەريالدىق قامتاماسىز ەتۋ. بۇل ماسەلەنى پىسىقتاپ جاتىرمىز. بىزدە 17-18 جاستاعى جاسوسپىرىم چەمپيون، وليمپيادا چەمپيونى بولا الادى. وعان بىردەن وتە جاقسى اقشالاي سىياقى بەرەمىز. بارلىق اكىمدەر، بيزنەسمەندەر، دەمەۋشىلەر ولاردى سىيلىقتىڭ استىندا قالدىرادى. بۇل دۇرىس. ول ناتيجەگە قول جەتكىزدى، ىنتالاندىرۋ قاجەت»، - دەدى داۋرەن ابايەۆ مينيسترلىكتىڭ كەڭەيتىلگەن القا وتىرىسىندا.

ءبىراق، مينيستر ودان كەيىن اتالعان ادام سپورتتىق مانسابىن اياقتاعاننان كەيىن ەسكەرۋسىز قالاتىندىعىنا نازار اۋدارتتى.

«بۇگىندە ۇستەمەاقى شامامەن 70 مىڭ تەڭگە عانا. بۇل مۇلدەم دۇرىس ەمەس سياقتى. سوندىقتان، ەگەر ادام جەتىستىككە جەتىپ، ۇلگى كورسەتسە، وندا ول ماتەريالدىق تۇرعىدا لايىقتى قامتاماسىز ەتىلۋى ءتيىس»، - دەدى ول.

اۆتور: مارلان جيەمباي