سانكسيالار اسەرى: رەسەي ۇشاقسىز قالۋى مۇمكىن

نۇر- سۇلتان. قازاقپارات - اۋە سالاسىنداعى سانكسيالار رەسەيگە عانا ەمەس، الەم ەلدەرىنە دە كەرى اسەرىن تيگىزەتىنى ءسوزسىز. ءبىراق شەت ەلدەر بۇل سالاداعى وندىرىستە شيكىزات كوزىن ىزدەۋمەن الەك بولسا، رەسەي، تىپتەن ۇشاقسىز قالۋى مۇمكىن، دەيدى ساراپشىلار.

شەكتەۋ بويىنشا اۆياتسيا مەن عارىش سالاسىندا قولدانىلاتىن بارلىق تاۋار مەن تەحنولوگيانى رەسەيگە ساتۋعا تىيىم سالىنعان. ۇشاق بولشەكتەرى رەسەيگە 2022 -جىلدىڭ 28- ناۋرىزىنا دەيىن عانا جەتكىزىلەدى. ورىستاردىڭ كوممەرتسيالىق اۋە فلوتىنىڭ تورتتەن ءبىر بولىگى ەۋرووداق، كانادا مەن ا ق ش- تا جاسالعان. سونداي- اق جولاۋشىلار ۇشاعىنىڭ 80 پروتسەنتى دە سىرتتان كەلەدى.

كريستوفەر گرەم، White and William فيرماسىنىڭ سەرىكتەسى:

- سانكسيالار كومپانيالارعا ءتۇرلى اسەر ەتەدى. ويتكەنى ۋكراينا دا، رەسەي دە شيكىزات تاۋارلارى، مەتال، بيداي، سويا بۇرشاعى بويىنشا ءىرى ەكسپورتتاۋشى مەملەكەتتەردىڭ قاتارىنا كىرەدى. بۇل تاۋارلار جاقىن ارادا تاپشى بولۋى مۇمكىن. رەسەي مۇناي مەن گازدان باسقا، نيكەل، تەمىر كەنى مەن حروم ساتادى. بۇل وتە ماڭىزدى مەتالدار. بۇگىن اليۋمينييدىڭ باعاسى كۇرت وسكەنىن بايقادىم. بۇل ءوز كەزەگىندە ۇشاق شىعاراتىنداردىڭ بارلىعىنا ءتيىمسىز.

www.24.kz