ۋكراينا- رەسەي بەيبىت كەلىسسوزدەرىنىڭ ەكىنشى كەزەڭى ءوتۋى مۇمكىن

نۇر- سۇلتان. قازاقپارات - رەسەي مەن ۋكراينا اراسىنداعى بەيبىت كەلىسسوزدەردىڭ ەكىنشى كەزەڭى بۇگىن ءوتۋى مۇمكىن.

رەيتەر اقپارات اگەنتتىگىنىڭ حابارلاۋىنشا، كەزدەسۋ بەلارۋستىڭ پولشامەن شەكارالاس برەست وبلىسىندا ءجۇرۋى ىقتيمال.

كەزدەسۋگە ۋكراينا دەلەگاتسياسىنىڭ قۇرامى وزگەرتىلىپ، تاعى 2 وكىل قوسىلۋى دا مۇمكىن. ەسكە سالا كەتەيىك، ەكى ەل اراسىندا بەيبىت كەلىسسوزدەردىڭ العاشقى راۋندى اقپاننىڭ 28- كۇنى بەلارۋستىڭ گومەل وبلىسىندا وتكەن بولاتىن. باسقوسۋ 5 ساعاتقا سوزىلعانىمەن ناقتى شەشىمدەر قابىلدانبادى.

يۋري ۆوسكرەسەنسكي، ساياساتتانۋشى:

- الداعى كەلىسسوزدەردە ۋكراينا دەلەگاتسياسىنىڭ قۇرامى جاڭارۋى مۇمكىن. وعان بەيبىت كەلىسسوزدەردىڭ ءبىرىنشى كەزەڭىنە قاتىسپاعان ۋكراينا جوعارعى راداسىنىڭ دەپۋتاتتارى كىرۋى ىقتيمال.

www.24.kz