زەلەنسكي پۋتينگە قويار باستى تالابىن جاريالادى
تولىق ۆيدەوسۇحبات ۋكراينا پرەزيدەنتىنىڭ Facebook-تەگى پاراقشاسىندا جاريالاندى، - دەپ حابارلايدى ءتىلشىسى «ۋكراينسكايا پراۆدا» باسىلىمى.
«الەم رەسەي فەدەراتسياسى پرەزيدەنتىن كەلىسسوز ۇستەلىنە وتىرعىزۋ كەرەك ەكەنىن تۇسىنەدى، ال مەن ولارمەن كەلىسسوز ۇستەلىنە وتىرۋعا ءالى دايىنمىن»، - دەدى زەلەنسكي.
سونىمەن قاتار، مەملەكەت باسشىسى كەلىسسوزدەردى باستاۋ ءۇشىن رەسەي تاراپىنا قويار الدىن الا شارتىن اتادى. «ءبىز، ەڭ بولماعاندا، ادامداردى بومبالاۋدى توقتاتۋىمىز كەرەك، تەك بومبالاۋدى توقتاتىپ، سودان كەيىن كەلىسسوز ۇستەلىنە وتىرۋىمىز كەرەك»، - دەدى ول.
زەلەنسكي ۋكراينالىقتار «ءومىرىنىڭ سوڭىنا دەيىن» كۇرەسەتىنىن ايتتى. «سەبەبى ءبىز ءوز ۇيىمىزدەمىز. ءبىز بالالاردى ۇيدە قورعايمىز. ءبىز مۇنى شىن جۇرەكتەن جاسايمىز. ءبىز ءوزىمىزدىڭ بالالارىمىزدىڭ بولاشاعى ءۇشىن ءبارىن قورعاۋعا ءتيىسپىز دەپ ەسەپتەيمىن»، - دەدى پرەزيدەنت.
زەلەنسكي سونىمەن بىرگە ناتو ەلدەرىن ۋكراينانىڭ اسكەري وداققا مۇشەلىككە مۇمكىندىگى بار- جوعىنا ناقتى جاۋاپ بەرۋگە شاقىردى. ەگەر وداق مۇنداي پەرسپەكتيۆاعا دايىن بولماسا، وندا پرەزيدەنت ناتو ەلدەرى ۋكراينانىڭ قاۋىپسىزدىگىنە، ونىڭ اۋماعى مەن شەكارالارىنىڭ مىزعىماستىعىنا زاڭدى كەپىلدىك بەرۋى كەرەك دەپ اتاپ ءوتتى.
