بۇگىن دوللار قايتا قىمباتتادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، تەڭگەنىڭ 1 دوللارعا شاققانداعى باعامى تاعى ءوستى، دەپ حابارلايدى قازاقپارات ءتىلشىسى.

ساۋدا-ساتتىق مالىمەتىنە قاراعاندا، دوللار باعامى 1-ناۋرىز كەشىمەن سالىستىرعاندا 6,68 تەڭگەگە وسكەن. ا ق ش دوللارىنىڭ ورتاشا باعامى 492,21 تەڭگە بولدى.

ۇلتتىق بانكتىڭ 2-ناۋرىزداعى رەسمي باعامى -1 دوللار ءۇشىن 487,75 تەڭگە.

Kurs.kz مالىمەتىنشە، بۇگىندە الماتىداعى اقشا ايىرباستاۋ پۋنكتىلەرىندە دوللار 491,54 تەڭگەدەن ساتىلسا، ساتىپ الۋ - 496,58 تەڭگە. نۇر-سۇلتانداعى اقشا ايىرباستاۋ پۋنكتىلەرىندە دوللار 492,23 تەڭگەدەن ساتىلىپ جاتىر، ساتىپ الۋ قۇنى - 495,72 تەڭگە.

اۆتور: الما مۇقانوۆا