بوكستان ۇلتتىق قۇرامانىڭ مەملەكەتتىك جاتتىقتىرۋشىسى تاعايىندالدى
«ق ر مادەنيەت جانە سپورت ءمينيسترىنىڭ بۇيرىعىمەن 2013-جىلعى الەم چەمپيونى مەرەي اقشالوۆ بوكستان قازاقستان ۇلتتىق قۇراماسىنىڭ مەملەكەتتىك جاتتىقتىرۋشىسى لاۋازىمىنا تاعايىندالدى»، - دەلىنگەن حابارلامادا.
مەرەي تولەگەن ۇلى 1988-جىلى 8- مامىردا شىعىس قازاقستان وبلىسىندا دۇنيەگە كەلگەن. ەكونوميكا، قۇقىقتانۋ، دەنە شىنىقتىرۋ جانە سپورت ماماندىقتارى بويىنشا ءبىرقاتار جوعارى وقۋ ورىندارىندا ءبىلىم العان.
سپورتتىق مانسابىندا بىرنەشە دۇركىن قازاقستان چەمپيونى، كوپتەگەن حالىقارالىق تۋرنيرلەردىڭ جەڭىمپازى، 2013-جىلعى الەم جانە ازيا چەمپيوناتتارىنىڭ التىن جۇلدە يەگەرى اتانعان. سونداي-اق بەيجىڭ-2008 وليمپيادا ويىندارىنىڭ قاتىسۋشىسى.
ايتا كەتەيىك، مەرەي اقشالوۆ سپورتتاعى كارەراسىن 2014-جىلى دەنساۋلىعىنا بايلانىستى اياقتاعان بولاتىن. 2021-جىلدىڭ مامىر ايىندا ول اقمولا وبلىسى شورتاندى اۋدانى اكىمىنىڭ ورىنباسارى بولىپ تاعايىندالعان بولاتىن.
اۆتور: كۇنسۇلتان وتارباي
