قىزدار مەرەكەسىندە قازاقستاندىقتار قانشا كۇن دەمالادى
2001-جىلدىڭ 13- جەلتوقسانىندا قابىلدانعان «قازاقستان رەسپۋبليكاسىنداعى مەرەكەلەر تۋرالى» زاڭىنا سايكەس، 8- ناۋرىز - حالىقارالىق ايەلدەر كۇنى مەملەكەتتىك مەرەكە سانالادى. مەملەكەتتىك مەرەكەلەر - قوعامدىق-ساياسي ماڭىزى بار وقيعالارعا ارنالعان، سونداي-اق قازاقستان رەسپۋبليكاسىنىڭ ازاماتتارى ءداستۇرلى تۇردە اتاپ وتەتىن مەرەكەلەر. مەملەكەتتىك مەرەكەلەردى مەيرامداۋ كەزىندە رەسمي ءىس-شارالار وتكىزىلۋى مۇمكىن. سونىمەن قاتار قازاقستان رەسپۋبليكاسىنداعى ۇلتتىق جانە مەملەكەتتىك مەرەكەلەر اتاپ وتىلەتىن كۇندەر قازاقستان رەسپۋبليكاسىنىڭ ەڭبەك زاڭدارىنا سايكەس مەرەكە كۇندەرى دەپ تانىلادى.
ول كۇندەر دەمالىس بولىپ سانالادى. ال دەمالىس جانە مەرەكە كۇندەرى سايكەس كەلگەن جاعدايدا دەمالىس كۇنى ءبىر كۇنگە سوزىلادى.
بيىل 8- ناۋرىز سەيسەنبىگە تۋرا كەلىپ تۇر. وسىعان وراي ۇكىمەت قاۋلىسىمەن 7- ناۋرىز كۇنگى جۇمىس كۇنى سەنبى 5- ناۋرىزعا اۋىستىرىلدى.
وسىلايشا، قازاقستاندىقتار حالىقارالىق ايەلدەر كۇنىنە وراي 6، 7، 8- ناۋرىز دەمالادى.
