17:26, 01 - ناۋرىز 2022 | GMT +5
حالىقارالىق تولەم جۇيەسى رەسەيدىڭ ءبىرقاتار بانكىنە قىزمەت كورسەتۋىن توقتاتتى
نۇر- سۇلتان. قازاقپارات - سانكسيالارعا بايلانىستى حالىقارالىق Mastercard تولەم جۇيەسى دە شەت ەلدەردە ءبىراقاتار رەسەي بانكتەرىنە قىزمەت كورسەتۋىن توقتاتتى، دەپ حابارلايدى «حابار 24».
بۇل بانكتەردىڭ كارتالارى وزگە ەلدەرمەن بىرگە كەي ينتەرنەت- سايتتاردا جۇمىس ىستەمەيدى. ءبىراق رەسەيدىڭ ىشىندە كارتالاردىڭ وپەراتسياسى ۇلتتىق جۇيە ارقىلى جۇرگىزىلەتىندىكتەن ولاردىڭ وسى ەلدىڭ اۋماعىندا جۇمىسى جالعاسا بەرەدى. بۇل قارجى ۇيىمدارىنا ApplePay مەن GooglePay قىزمەت كورسەتۋىنە توقتاتتى.
ەسكە سالا كەتەيىك، ا ق ش بيلىگى بۇعان دەيىن ۋكرايناعا قارسى اسكەري قيمىلدارعا بايلانىستى رەسەيدىڭ بىرنەشە بانكىسىنە شەكتەۋ شارالارىن ەنگىزگەن بولاتىن.
