الماتىدا جەر ۋچاسكەسىنىڭ نىسانالى ماقساتىن قالاي وزگەرتۋگە بولادى

الماتى. قازاقپارات - الماتى قالاسى اكىمدىگىنىڭ جەر قاتىناستارى باسقارماسى جەر ۋچاسكەنىڭ نىسانالى ماقساتىن قالاي وزگەرتۋگە بولاتىندىعىن ءمالىم ەتتى، دەپ حابارلايدى قازاقپارات ءتىلشىسى.

«جەر ۋچاسكەسىنىڭ ءاربىر مەنشىك يەسى ونىڭ ماقساتىن وزگەرتۋگە قۇقىلى. اتالعان مەملەكەتتىك قىزمەت ق ر جەر كودەكسىنىڭ 49-1- بابىمەن جانە «جەر ۋچاسكەسىنىڭ نىسانالى ماقساتىن وزگەرتۋگە شەشىم بەرۋ» مەملەكەتتىك قىزمەت كورسەتۋ قاعيدالارىمەن رەتتەلەدى. قىزمەت تەگىن. ءوتىنىمدى ەلەكتروندى پورتال ارقىلى بەرۋگە بولادى. ول ءۇشىن جەر ۋچاسكەسىنىڭ كاداسترلىق ءنومىرىن، جەر ۋچاسكەسىنىڭ سۇراتىلعان نىسانالى ماقساتىن، جەر ۋچاسكەسىنىڭ الاڭىن، ۋچاسكەگە قۇقىق بەلگىلەيتىن جانە سايكەستەندىرۋ قۇجاتتارىنىڭ ءنومىرى مەن كۇنىن جانە بيۋدجەت كىرىسىنە تولەۋ قاجەت بولعان جاعدايدا، جەر ۋچاسكەسىنىڭ كاداسترلىق (باعالاۋ) قۇنىنىڭ ەلەكتروندىق اكتىسىنىڭ كوشىرمەسىن كورسەتۋ قاجەت»، - دەپ ءمالىم ەتتى باسقارمادا.

ءوتىنىش بەرۋشى ءوتىنىش بەرگەن سوڭ، حابارلاما الادى. وندا جەر ۋچاسكەسىنىڭ نىسانالى ماقساتىنا وزگەرتۋ نەمەسە ودان باس تارتۋ ماسەلەسى بويىنشا شەشىمدى العان كۇنى كورسەتىلەدى. ءوتىنىشتى قاراۋ كەزىندە مەملەكەتتىك ورگاندار جەر ۋچاسكەسىن قالانى دامىتۋدىڭ باس جوسپارىنا جانە اۋداندى ەگجەي- تەگجەيلى جوسپارلاۋ جوسپارىنا سايكەس سۇراتىلعان ماقساتى بويىنشا پايدالانۋ مۇمكىندىگىن ايقىندايدى. جەر قاتىناستارى باسقارماسى شاعىن نەمەسە ورتا كاسىپكەرلىك سۋبەكتىلەرىنە ولاردىڭ وتىنىشتەرى بويىنشا جەر ۋچاسكەسىنىڭ نىسانالى ماقساتىن وزگەرتكەنى ءۇشىن تولەمدى 10 جىلعا دەيىنگى مەرزىمگە ءبولىپ تولەۋ بەرىلەتىنىن حابارلادى.

«ەلەكتروندىق قاۋلىنى ەلەكتروندىق پورتالدىڭ جەكە كابينەتىنەن جۇكتەۋگە بولادى. قاۋلىنىڭ ءتۇپنۇسقاسىن (قاعاز تۇرىندە) باسقارمانىڭ كەڭسەسىنەن مىنا مەكەنجاي بويىنشا الۋعا بولادى: اباي داڭعىلى 90 (الماتى باس جوسپارى عيماراتى)، 1-قابات. بارلىق سۇراقتار بويىنشا 2292182 نومىرىنە حابارلاسىڭىز»، - دەپ حابارلادى قالالىق جەر قاتىناستارى باسقارماسىندا.

اۆتور: دۋمان ارعىنگەلدى