كيەۆكە اسكەر جاقىنداپ قالدى

نۇر-سۇلتان.قازاقپارات - رەسەيلىك اسكەريلەر كيەۆتەن 25 شاقىرىمداي جەردە شوعىرلانعان. مۇنى امەريكالىق جەكەمەنشىك كومپانيانىڭ جەرسەرىگى تۇسىرگەن سۋرەتتەرى كورسەتتى.

مالىمەتتەرگە قاراعاندا، قالادان 25 شاقىرىمداي جەردە ورنالاسقان انتونوۆ اۋەجايى ماڭىندا تانك، بروندالعان كولىكتەر جانە زەڭبىرەكتەردەن تۇراتىن كەرۋەن كيەۆكە قاراي بەت الىپ بارا جاتقانى بەينەلەنگەن.

ال اقپارات قۇرالدارىنىڭ حابارلاۋىنشا، سوڭعى كۇندەرى ۋكراينا اسكەرى قالاعا ەنبەك بولعان قارسىلاس تاراپتىڭ كۇشتەرىن شاھاردىڭ شەتىنەن ىعىستىرعان. قولىنا قارۋ الىپ جاتقان ادامدار كوپ. كەشە بومبالاۋ ءسال سايابىرلاعانى دا ايتىلادى.

دميتري، تۇرعىن:

- جەرىمىزگە كۇتپەگەن قوناقتار كەلىپ، باسا كوكتەپ كىرگەن سوڭ قولىما قارۋ الۋىما تۋرا كەلدى. قارسىلىق كورسەتە الاتىن بارلىق ازامات وتاندى قورعاۋ كەرەك دەپ ويلايمىن. ويتكەنى بۇل - ءبىزدىڭ ءۇيىمىز.

www.24.kz