«وميكرون» شتامى تەرىگە ءتۇرلى بورتپەلەر شىعاراتىنى انىقتالدى
ەپيدەميانىڭ بەسىنشى تولقىنى باسەڭدەۋدە، دەپ حابارلايدى COVID-19 تارالۋىنا جول بەرمەۋ جونىندەگى ۆ ا ك.
جالپى، پاندەميا باستالعاننان بەرى ەلدە ۆيرۋس جۇقتىرۋدىڭ 3629390 دەرەگى انىقتالدى. كەشەدەن بەرى 11 مىڭعا جۋىق جاڭا ينفەكسيا تىركەلدى. سوڭعى تاۋلىكتە 76722 تەست جاسالدى. ونىڭ %16 ندا كوروناۆيرۋس انىقتالدى. 60 جاستان اسقان ادامداردىڭ كوپشىلىگى تولىعىمەن ۆاكسيناتسيالانعان جانە ولاردىڭ اراسىندا اۋىر ناۋقاستاردىڭ ۇلەسى ەكپە الماعاندارعا قاراعاندا الدەقايدا تومەن.
ءيزرايلدىڭ دەنساۋلىق ساقتاۋ مينيسترلىگىنىڭ 28-اقپانداعى مالىمەتى بويىنشا، كوروناۆيرۋسقا قارسى ۆاكتسينانىڭ العاشقى دوزاسىن 6699011 ادام (ەل حالقىنىڭ %72)، ەكىنشى دوزاسىن 6120423 ادام (ەل حالقىنىڭ %65) الدى. 4463439 ادام ءۇشىنشى دوزانى سالدىرسا (ەل حالقىنىڭ %48)، ءتورتىنشى دوزانى 726859 ادام الدى (ەل حالقىنىڭ %8).
پاتسيەنتتەردى باقىلاۋ بارىسىندا «وميكرون» شتامى تەرىنىڭ ءارتۇرلى وزگەرىستەرىن ءجيى تۋدىراتىنى بايقالدى. بۇل تۋرالى گ. ن. گابريچيەۆسكي اتىنداعى ماسكەۋ ەپيدەميولوگيا جانە ميكروبيولوگيا عىلىمي- زەرتتەۋ ينستيتۋتى ديرەكتورىنىڭ كلينيكالىق جۇمىس جونىندەگى ورىنباسارى، مەديتسينا عىلىمدارىنىڭ دوكتورى تاتيانا رۋجەنتسوۆا حابارلادى. ونىڭ ايتۋىنشا، پاتسيەنتتەردىڭ شامامەن %5 ىندا تەرى بەلگىلەرى انىقتالعان. بۇل بورتپەلەر ءارتۇرلى: كوزگە دۇرىس كورىنبەيتىندەر، سونداي- اق ايقىن تۇرلەرى كەزدەسەدى.
