22:06, 28 - اقپان 2022 | GMT +5
ماسكەۋدە قازاقستاندىق م م ا سپورتشىسىن اتىپ كەتكەن كۇدىكتى ۇستالدى
نۇر-سۇلتان. قازاقپارات - رەسەي استاناسىندا قازاقستاندىق م م ا شەبەرى باعدات دۇيسەمبايەۆتى اتىپ كەتكەن فيتنەس-كلۋب كۇزەتشىسى ۇستالدى.
بۇل تۋرالى رەسەيلىك جۋرناليست ءارى ينسايدەر يگور زازورين حابارلادى.
16- اقپان كۇنى دۇيسەمبايەۆ قالاداعى فيتنەس زالدارىنىڭ بىرىنە ابونەمەنت ساتىپ الۋ ءۇشىن بارعان. سپورت زال قىزمەتكەرىنە جەرلەسىمىزدىڭ كولىكتى دۇرىس قويماعانى كوڭىلىنەن شىقپاي، سول جەردىڭ كۇزەتشىسى باعدات دۇيسەمبايەۆتىڭ بىرنەشە جەرىنەن اتقان.
قازىرگى تاڭدا كۇزەتشى ماكسيم پاحوموۆ 48 ساعاتقا ۇستالدى. جۋىردا سوت ونىڭ قانداي جازا الاتىنىن جاريالايدى.
ەسكە سالايىق، دۇيسەمبايەۆ ارالاس جەكپە-جەكتەن اۋەسقويلار اراسىنداعى جارىستارعا قاتىسادى. وسىعان دەيىن جەتى رەت وكتاگونعا شىعىپ، ونىڭ ەكەۋىندە جەڭىسكە جەتكەن. سونىمەن قاتار، ءتورت جەڭىلىس تاۋىپ، ءبىر رەت تەڭ تۇسكەن.
