الماتى ماڭىندا قارۋ-جاراق ساقتالعان تاعى ءبىر ورىن تابىلدى

الماتى. قازاقپارات - الماتى ماڭىندا تاعى ءبىر قارۋ-جاراق ساقتالعان ورىن تابىلدى، دەپ حابارلايدى قازاقپارات ءتىلشىسى.

پوليتسيا مالىمەتىنشە، قارۋ-جاراق قويماسى الماتى وبلىسى قاراساي اۋدانى اۋماعىنان تابىلدى.

5- قاڭتارعا قاراعان ءتۇنى «كامەراد» قارۋ-جاراق دۇكەنىن توناۋعا قاتىسقان 29، 28، 26 جاستاعى ءۇش ەر ادام ۇستالدى.

«كۇدىكتىلەر ءۇي جانىنداعى بوس جاتقان جەرگە 6 مىلتىق، ۆينتوۆكا، پاتروندار، اڭشىلىق جيناعى بار شابادان مەن ريۋكزاكتاردى كومگەن. بۇل ارسەنالدىڭ بارلىعى ۇستالعانداردىڭ ءبىرىنىڭ ءۇيىنىڭ اۋلاسىنداعى قۇمعا كومىلگەن. كۇدىكتىلەر كىناسىن مويىنداپ، قىلمىستى قالاي جاساعاندارىن ايتىپ بەردى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

تەرگەۋشىلەر ولاردىڭ وسىعان ۇقساس باسقا دا قىلمىستارعا قاتىسى بار-جوعىن انىقتاپ جاتىر.

قىلمىستىق ءىس ق ر ق ك- ءنىڭ 291-بابى 3- ءبولىمى بويىنشا تەرگەلۋدە. كۇدىكتىلەر قاماۋعا الىندى.