قۇرساقتاعى نارەستەنى قورعايتىن بولىمشەلەر قۇرىلادى

نۇر- سۇلتان. قازاقپارات - وبلىستىق پەريناتالدىق ورتالىقتاردا «قۇرساقتاعى نارەستەنى قورعاۋ» بولىمشەلەرى قۇرىلادى، دەپ حابارلايدى قازاقپارات ءتىلشىسى.

بۇل تۋرالى ق ر دەنساۋلىق ساقتاۋ ءمينيسترى اجار عينيات ۆەدومستۆونىڭ كەڭەيتىلگەن القا وتىرىسىندا ايتتى.

«UMC كورپوراتيۆتىك قورىنىڭ انا مەن بالا ورتالىعى جانە وبلىستىق پەريناتالدىق ورتالىقتارداعى ءتيىستى بولىمشەلەر بازاسىندا «قۇرساقتاعى نارەستەنى قورعاۋ» رەسپۋبليكالىق ورتالىعىن قۇرۋ جوسپارلانۋدا»، - دەدى مينيستر.

سونداي- اق ول 20 اۋدانارالىق اۋرۋحانادا پەريناتالدىق كومەكتىڭ ءۇشىنشى دەڭگەيلى بوساندىرۋ بولىمشەلەرى ۇيىمداستىرىلاتىن ءمالىم ەتتى.

«جالپى، ءادىسنامالىق سۇيەمەلدەۋدى ۇيىمداستىرۋ بولىگىندە كەيىننەن كاتامنەزدىك باقىلاۋدى قامتاماسىز ەتە وتىرىپ، شالا تۋعان نارەستەلەرگە مەديتسينالىق كومەك كورسەتۋ جەتىلدىرىلەتىن بولادى. قازاقستان ۇرىق دامۋىنىڭ تۋا بىتكەن اقاۋلارىن ەرتە انىقتاۋ ءۇشىن پرەناتالدىق سكرينينگتىڭ جاڭا زاماناۋي ءادىسناماسىنا كوشەدى. سونىمەن قاتار، پرەناتالدى ۋلترادىبىستىق دياگنوستيكا فۋنكتسياسى جەتىلدىرىلەدى. پرەناتالدى ۋلترادىبىستىق زەرتتەۋ دياگنوستيكاسىنىڭ قوسىمشا 100 مامانىن وقىتۋ، سونداي- اق وڭىرلەردى ۋدز ساراپتامالىق سىنىبىنىڭ اپپاراتتارىمەن جاراقتاندىرۋ جوسپارلانۋدا»، - دەدى اجار عينيات.

اۆتور: ەسىمجان ناقتىباي