فارماتسيەۆتيكا نارىعىنداعى قازاقستاندىق وندىرۋشىلەردىڭ ۇلەسى قانشا
ق ر دەنساۋلىق ساقتاۋ ءمينيسترى اجار عينيات ۆەدومستۆونىڭ كەڭەيتىلگەن القا وتىرىسىندا وسىنداي دەرەك كەلتىردى، دەپ حابارلايدى قازاقپارات ءتىلشىسى.
ءمينيستردىڭ ايتۋىنشا، بيىلدىڭ وزىندە سالادا يمپورتتى الماستىرۋدى ارتتىرۋ شەڭبەرىندە مىناداي شارالار كوزدەلگەن: دارىلىك زاتتار مەن مەديتسينالىق بۇيىمداردى شىعارۋ بويىنشا كەمىندە 5 جاڭا ءوندىرىستى ىسكە قوسۋ؛ ونىڭ ىشىندە: Big Pharma-نى تارتا وتىرىپ، وتاندىق فارماتسيەۆتيكالىق ءونىمدى حالىقارالىق تانۋ ءۇشىن ۇلتتىق رەتتەۋشىنى دامىتۋ؛
ءدارى- دارمەكتەر مەن مەديتسينالىق بۇيىمدار اينالىسىنىڭ بارلىق پروتسەستەرىن سيفرلاندىرۋ؛ دارىلىك زاتتاردى تاڭبالاۋ مەن ولاردىڭ باقىلانۋىن ەنگىزۋ.
«ءبىرىڭعاي ديستريبيۋتور ارقىلى دارىلىك زاتتار مەن مەديتسينالىق بۇيىمداردى ساتىپ الۋدىڭ جالپى كولەمىندەگى وتاندىق ءوندىرىستىڭ ۇلەسى % 37- عا دەيىن ءوسۋى كەرەك. قازىرگى تاڭدا ەلدەگى فارماتسيەۆتيكا نارىعىنىڭ جالپى كولەمى 765,3 ميلليارد تەڭگەنى قۇرايدى. ونىڭ ىشىندە وتاندىق تاۋار وندىرۋشىلەر 121,1 ميلليارد تەڭگەنىڭ ءونىمىن جەتكىزىپ وتىر. ءبىرىڭعاي ديستريبيۋتور ارقىلى ساتىپ الۋ كولەمى 244,9 ميلليارد تەڭگەنى، وتاندىق تاۋار وندىرۋشىلەردەن 90,6 ميلليارد تەڭگەنى قۇرادى»، - دەدى ۆەدومستۆو باسشىسى.
ءمينيستردىڭ مالىمەتى بويىنشا، مەديتسينا سالاسىندا 88 وتاندىق تاۋار ءوندىرۋشى جۇمىس ىستەپ وتىر. ونىڭ ىشىندە 32 دارىلىك زاتتاردى ءوندىرۋشى، 56 مەديتسينالىق بۇيىمدار مەن تەحنيكا ءوندىرۋشى بار.
«دارىلىك زاتتار مەن مەديتسينالىق بۇيىمدار تىزبەسىنە سايكەس، ءبىرىڭعاي ديستريبيۋتور دارىلەردىڭ % 91- ىن ساتىپ الدى. بۇل دارىلىك زاتتار مەن مەديتسينالىق بۇيىمداردىڭ 1496 پوزيتسياسى دەگەن ءسوز. قازىرگى تاڭدا ءبىرىڭعاي ديستريبيۋتوردىڭ قويمالارىنا 1346 پوزيتسيا نەمەسە % 90 ءتۇستى. سونداي- اق 2021 -جىلى ءبىرىڭعاي ديستريبيۋتور جالپى سوماسى 33 ميلليارد تەڭگەگە 459 اتاۋ بويىنشا دارىلىك زاتتار مەن مەديتسينالىق بۇيىمداردىڭ ازايتىلمايتىن قورىن ساتىپ الدى»، - دەدى اجار عينيات.
اۆتور: ەسىمجان ناقتىباي
