قازاقستاندا تەك قانا ايەلدەرگە ارنالعان «ۇماي» يپوتەكاسىنىڭ تالاپتارى وزگەردى
الەۋەتتى قارىز الۋشىنىڭ اي سايىنعى وتباسىلىق تابىسى 550000 تەڭگەدەن اسپاسا، ول % 15- دىق باستاپقى جارنامەن نەسيە الا الادى. ال وتباسىنىڭ ورتاق كىرىسى ايىنا 550001 تەڭگەدەن 630000 تەڭگەگە دەيىنگى ارالىقتا بولسا، وندا تۇرعىن ءۇيدى % 20- دىق العاشقى جارنامەن الۋعا بولادى. باعدارلاما بويىنشا بەرىلەتىن زاەمنىڭ ەڭ جوعارعى قۇنى 30 ميلليون تەڭگەگە دەيىن. پايىزدىق مولشەرلەمە % 13,5 (ج ت س م - % 14,5- دان باستاپ) تەڭ، كەيىننەن % 5- عا دەيىن (ج ت س م - % 5,2- دان باستاپ) تومەندەتىلەدى.
«ۇماي» باعدارلاماسى بويىنشا قارىز الۋ مەرزىمى 6 ايدان 25 جىلعا دەيىن. بۇل رەتتە تۇرعىن ءۇي تاڭداۋدا شەكتەۋلەر جوق، ونى العاشقى جانە ەكىنشى نارىقتان، سونىڭ ىشىندە ۇلەستىك قاتىسۋ شارتتارى بويىنشا ساتىپ الۋعا بولادى. سونداي- اق «ۇماي» بويىنشا باسپانانى جوندەۋ جۇمىستارىنا دا 3,7 ميلليون تەڭگەگە دەيىنگى مولشەردە قارىز الۋعا بولادى. گەندەرلىك تەڭدىكتى جەتىلدىرۋگە نەگىزدەلگەن ايەلدەر باعدارلاماسى - وتباسى بانك پەن ازيا دامۋ بانكىنىڭ بىرلەسكەن جوباسى. ونى ىسكە اسىرۋعا ادب 38 ميلليارد تەڭگە كولەمىندە قاراجات ءبولۋدى كوزدەپ وتىر.
2021 -جىلى «ۇماي» باعدارلاماسى باستالعان كەزدە، ءبىرىنشى ترانش اياسىندا، جالپى كولەمى 8,4 ميلليارد تەڭگەگە 954 قازاقستاندىق قىز- كەلىنشەك قارىز الدى. اتالمىش ونىمگە دەگەن سۇرانىس اسىرەسە نۇر- سۇلتان، قاراعاندى جانە اقتوبە وبلىستارىنىڭ تۇرعىندارى اراسىندا كوبىرەك بولاتىن. اۋدارىلاتىن ەكىنشى ترانش كولەمى - 14 ميلليارد تەڭگەگە تەڭ بولماق. بيىل نەسيە الۋ تۋرالى وتىنىشتەر ناۋرىز ايىنىڭ ورتاسىنان قابىلدانادى. بۇل تۋرالى وتباسى بانك كليەنتتەرىنە قوسىمشا حابارلايدى. وسى جىلى ادب قارىز قاراجاتىن جوعارى مولشەرلەمە بويىنشا ورنالاستىراتىندىقتان، قارىز الۋشىلار ءۇشىن ول جىلدىق % 13,5- عا دەيىن ۇلعايتىلدى.
«ۇماي» باعدارلاماسى - ءبىرىنشى تۇرعىن ءۇي ساتىپ الۋعا مۇمكىندىك بەرەتىن مەملەكەتتىك باعدارلاما ەمەس. ول تۇرعىن ءۇي جاعدايىن جاقسارتۋ نەمەسە بالالارىنا جىلجىمايتىن مۇلىك ساتىپ الۋ ماقساتىمەن، ەكىنشى نەمەسە ءۇشىنشى تۇرعىن ءۇي ساتىپ الۋدى كوزدەپ وتىرعان، كىرىسى جوعارى ايەلدەرگە ارنالعان. ەلىمىزدىڭ كوپتەگەن قىز- كەلىنشەكتەرى وتباسى بانكىنەن العاشقى جارناسى تومەن، بالاباقشا، مەكتەپ، جۇمىسقا جاقىن بولاتىن جەردەن، ياعني ەكىنشى نارىقتان تۇرعىن ءۇي الۋعا مۇمكىندىك بەرەتىن باعدارلاما شىعارۋدى سۇراعاندىقتان، «ۇماي» باعدارلاماسى پايدا بولدى.
بۇگىنگى تاڭدا وتباسى بانكىنىڭ نەسيەلىك پورتفەلىندەگى ايەلدەردىڭ ۇلەسى قارىز الۋشى ەرلەرمەن سالىستىرعاندا جوعارى. ماسەلەن، قارىزدار سانى بويىنشا ايەلدەردىڭ ۇلەسى - % 57 بولسا، نەسيە سوماسى مەن بەرەشەك قالدىعى بويىنشا - % 53 تەڭ. سوڭعى 5 جىل ىشىندە ايەلدەر وتباسى بانكىنەن كرەديتتى ەرلەرگە قاراعاندا بەلسەندىرەك الۋدا، ولاردىڭ كرەديتتىك پورتفەلدەگى ۇلەسى وزگەرىسسىز % 55-57 دەڭگەيىندە.
