اتىراۋ وبلىسىندا كوروناۆيرۋس جۇقتىرعاندار تىركەلگەن جوق

اتىراۋ. قازاقپارات - «جاسىل» ايماقتاعى اتىراۋ وبلىسىندا وتكەن تاۋلىكتە كوروناۆيرۋس ينفەكتسياسىن جۇقتىرعاندار تىركەلگەن جوق، دەپ حابارلايدى قازاقپارات.

اتىراۋ وبلىسىندا كوروناۆيرۋس ينفەكسياسىنىڭ تارالۋ كورسەتكىشى تومەندەپ كەلەدى. ماسەلەن، 27-اقپاندا قاۋىپتى ۆيرۋسقا شالدىققان ناۋقاستار انىقتالمادى. وتكەن تاۋلىكتە COVID-19 ينفەكتسياسىنا 28 ادام ەمدەلىپ شىقتى.

«قازىر 273 ادام ءۇي جاعدايىندا ەمدەلىپ جاتىر. ال، 2360 ورىنعا ارنالعان ينفەكسيالىق ستاتسيونارلاردا 31 ناۋقاس ەم قابىلداۋ ءۇشىن وقشاۋلانعان. ونىڭ ىشىندە مودۋلدىك اۋرۋحانادا - 27, اۋداندارداعى ينفەكتسيالىق ستاتسيونارلاردا 4 پاتسيەنت بار»، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

وڭىردەگى ينفەكتسيالىق ستاتسيونارلارداعى جۇكتەمە %1,3 دى قۇراپ وتىر. ستاتسيونارلاردىڭ 106 توسەك-ورىندىق جانساقتاۋ بولىمىندە جاعدايى ناشارلاعان 2 پاتسيەنت ەمدەلۋگە جاتقىزىلعان. وكپەنى جاساندى جەلدەتۋ اپپاراتىنا بىردە-ءبىر ناۋقاس قوسىلماعان. بۇل بولىمدەگى جۇكتەمە - %1,9. تەڭىز كەنىشىندەگى، №2 وبلىستىق اۋرۋحانا مەن فتيزيوپۋلمونولوگيالىق ورتالىقتىڭ ينفەكسيالىق ستاتسيونارىندا كوروناۆيرۋستەن ەمدەلىپ جاتقان ناۋقاستار جوق.

ەسكە سالا كەتەلىك، بۇدان بۇرىن اتىراۋ وبلىسىندا كوروناۆيرۋس جۇقتىرعان ەكى ادام قايتىس بولعانىن حابارلاعان ەدىك.