وسكەمەن مەن ريددەر قالالارىنىڭ اراسىنا قىسقا جول سالىنادى

وسكەمەن. قازاقپارات - شىعىس قازاقستان وبلىسىنداعى وسكەمەن مەن ريددەر قالالارىنىڭ اراسىنا قىسقا جول سالىنادى، دەپ حابارلايدى قازاقپارات ءتىلشىسى.

ايماق باسشىسى دانيال احمەتوۆ جۇمىس ساپارىمەن ريددەر قالاسىنا بارىپ، جۇرتپەن كەزدەستى. بيىل شاھاردا بىرنەشە ماڭىزدى جوبالار جۇزەگە اسىرىلماق.

«مادەنيەت ءۇيى مەن ورتالىق الاڭدى قايتا جاڭارتۋ جۇمىستارى باستالادى. كوپبەيىندى اۋرۋحانا كەشەنى سالىنىپ، ارناۋلى الەۋمەتتىك قىزمەت كورسەتۋ ورتالىعىندا جوندەۋ جۇمىستارى جۇرگىزىلەدى. بۇدان بولەك، «بوتانيكا» جاڭا شاعىن اۋدانىندا كوپبالالى وتباسىلار ءۇشىن 20 ءۇي بوي كوتەرمەك»، - دەدى وبلىس اكىمى.

بۇگىندە ريددەردە 600 ورىندىق مەكتەپتىڭ قۇرىلىسى اياقتالۋعا جاقىن. بيۋدجەتتەن جول جوندەۋگە 560 ميلليون تەڭگە بولىنگەن.

«زەينەتكەرلەردىڭ وتىنىشتەرىن ەسكەرە وتىرىپ، تەك ورتالىق كوشەلەردى عانا ەمەس، قالانىڭ شەت ايماقتارىن دا اسفالتتاۋعا تىرىسامىز. سونداي-اق جولاۋشىلار كولىگى جانە اۆتوموبيل جولدارى باسقارماسىنا تارحانكا اۋىلى ارقىلى «وسكەمەن- ريددەر» قىسقا جولىن سالۋ تۋرالى ۇسىنىستى ەسەپتەپ، دايىنداۋدى تاپسىردىم. ونىڭ ۇزىندىعى 60 شاقىرىم عانا»، - دەدى دانيال احمەتوۆ.

اۆتور: تالعاتجان مۇحامەتبەك ۇلى