قارالى قاڭتاردا الماتىدا شەرۋگە شىققاندار ءبىرىن-ءبىرى بۇرىننان تانىعان - تەرگەۋشى

الماتى. قازاقپارات - الماتىلىق تەرگەۋشى قاڭتار وقيعاسى كەزىندە كۋا بولعان وقيعا تۋرالى ايتتى، دەپ حابارلايدى قازاقپارات ءتىلشىسى.

المالى اۋداندىق پوليتسيا باسقارماسىنىڭ تەرگەۋ ءبولىمىنىڭ تەرگەۋشىسى ەربول نۇرمانوۆتىڭ ايتۋىنشا، الماتىدا قاڭتاردا بولعان شەرۋ العاشىندا بەيبىت سيپاتتا بولعان. الاڭعا جينالعاندار جاي ۇرانداتىپ تۇرعان. الايدا، كەيىننەن جاعداي كۇرت وزگەرگەن. ول كەزدە ەربول نۇرمانوۆ ارىپتەستەرىمەن بىرگە قوعامدىق ءتارتىپتى قامتاماسىز ەتۋ ءۇشىن قالالىق اكىمدىكتىڭ الدىندا قىزمەتتە بولعان.

«ەشقانداي اراڭداتۋعا ەرمەي، ەشكىممەن سويلەسپەي، ەشكىمگە قارسىلىق كورسەتپەي، ءوز مىندەتىمىزدى اتقارىپ تۇردىق. جينالعاندار ءبىر-ءبىرىن بۇرىننان تانيتىن ادامدارداي امانداسىپ جاتتى. قويىلعان قورشاۋلارعا جاقىنداپ «ءبىز جاققا وتىڭدەر» دەگەندەر دە بولدى» ، - دەدى ول. تەرگەۋشىنىڭ ايتۋىنشا، بۇلىكشىلەر ءتىپتى قىزمەتتىك اسكەري كولىكتەردى دە تارتىپ العان.

اۆتور: دۋمان ارعىنگەلدى