قازاقستاندىق پاراسپورتشىلار وليمپياداعا بەيجىڭگە اتتاندى

نۇر-سۇلتان. قازاقپارات - وتاندىق پاراسپورتشىلار قىسقى وليمپياداعا جول تارتتى، دەپ حابارلايدى قازاقپارات ق ر ۇلتتىق پاراليمپيادا كوميتەتىنىڭ باسپا ءسوز قىزمەتىنە سىلتەمە جاساپ.

بۇگىن قازاقستاندىق پاراليمپياداشىلار قىتاي استاناسى بەيجىڭگە ۇشتى. قىسقى پاراليمپيادا رەسمي تۇردە 4-ناۋرىزدا اشىلىپ، 13-ناۋرىزعا دەيىن جالعاسادى. ايتۋلى دودادا ەل نامىسىن ەربول حاميتوۆ، الەكساندر گەرليتس، دەنيس پەترەنكو، يۋري بەرەزين جانە سەرگەي ۋسولسەۆ پاراشاڭعى جانە پارابياتلون سپورتى تۇرىنەن قورعايدى.

بۇعان دەيىن ەلىمىزدىڭ پاراليمپيادا كوميتەتى ۇلتتىق قۇرامانى جاساقتاپ، سپورتشىلاردىڭ جارىس كەستەسىن جاريالاعان ەدى. بەيجىڭ-2022 پاراليمپياداسىندا كوك تۋدى شاڭعى سپورتى تۇرىنەن الەم كۋبوگىنىڭ قولا جۇلدەگەرى، حالىقارالىق دارەجەدەگى سپورت شەبەرى ەربول حاميتوۆ ۇستاپ شىعادى.