ابزال اجىعاليەۆتىڭ وليمپياداعا دايىندىق جونىندەگى سىن-پىكىرىنە مينيستر جاۋاپ بەردى
وسى ماسەلەگە قاتىستى ق ر مادەنيەت جانە سپورت ءمينيسترى داۋرەن ابايەۆ پىكىر ءبىلدىردى، دەپ حابارلايدى قازاقپارات ءتىلشىسى.
«ول ماسەلەنى سپورتشى رەتىندە كوتەرىپ وتىر. سول ارقىلى كاسىبي سپورتقا راسىمەن جانى اشيتىندىعىن دالەلدەدى. جارارلىق ءىس. بۇل جەردە ماسەلە تەك قولجەتىمسىزدىكپەن بايلانىستى ەمەس. باپكەرلەر دە سۇراقتى ۋاقىتىلى كوتەرىپ وتىرۋ كەرەك. مينيسترلىكتىڭ مۇز ايدىنى جانە باسقا دا سپورت سالاسىنداعى شەشىلۋى ءتيىس پروبلەمالاردان حابارى بار. ماسەلەنى كەشەندى جانە جۇيەلى تۇردە شەشۋدىڭ جولىن قارايمىز»، - دەدى داۋرەن ابايەۆ بەيجىڭ وليمپياداسىنىڭ قورىتىندىسىنا ارنالعان كەڭەيتىلگەن وتىرىس بارىسىندا تىلشىلەردىڭ سۇراعىنا جاۋاپ بەرە تۇرىپ. ەسكە سالا كەتسەك، شورت- ترەكشى ابزال اجىعاليەۆ قىسقى سپورت تۇرلەرىنە قاتىستى ولقىلىقتاردى اشىپ ايتقان ەدى.
ول Facebook پاراقشاسىندا وليمپياداعا دايىندىققا نە كەدەرگى كەلتىرەتىنىن ءتىزىپ بەردى.
ايتا كەتەيىك، بەيجىڭدە وتكەن قىسقى وليمپيادا ويىندارىندا ابزال اجىعاليەۆ 500 مەترگە جۇگىرۋدەن ءتورتىنشى ورىن الدى. سونداي-اق، ول وليمپيادانىڭ اشىلۋ جانە جابىلۋ سالتاناتىندا قازاقستان تۋىن ۇستاپ شىققان بولاتىن. ودان بولەك، قازاقستاندىق سپورتشى ەل نامىسىن ابىرويلى قورعاپ، ءوز ونەرىنە ريزا ەكەنىن جەتكىزدى.
اۆتور: ءالي يبرايەۆ
