اقتوبەدە قالا ورتاسىندا ستۋدەنتتى توناعان ادام ۇستالدى
اقتوبەدە بانك عيماراتىنىڭ جانىندا 17 جاستاعى ستۋدەنتتى توناپ كەتتى. بەلگىسىز بىرەۋ ونىڭ جولىن كەسىپ، كۇش كورسەتىپ، بارلىق قۇندى زاتتارىن بەرۋىن تالاپ ەتكەن. جابىرلەنۋشىدەن «Oppo A 52» ۇيالى تەلەفونى جانە 30000 تەڭگەسى بار ءاميانىن تارتىپ العان.
«جابىرلەنۋشى دەرەۋ جاقىن ماڭداعى پوليتسيا بولىمىنە ارىز ءتۇسىردى. جەدەل-ىزدەستىرۋ شارالارى بارىسىندا پوليتسيا قىزمەتكەرلەرى 20 جاستاعى كۇدىكتىنى ۇستادى. كۇدىكتى ءىسىن مويىندادى. ول ۇيالى تەلەفوندى يەمدەنگەننەن كەيىن ونى لومباردقا تاپسىرىپ، تۇسكەن اقشانى ءوز قاجەتتىلىگىنە جۇمساعان»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
وسى وقيعادان سوڭ قىلمىستىق كودەكستىڭ «توناۋ» بابى بويىنشا سوتقا دەيىنگى تەرگەۋ ءجۇرىپ جاتىر وسى باپتىڭ سانكسياسى مۇلكىن تاركىلەي وتىرىپ، ءتورت جىلعا دەيىنگى مەرزىمگە باس بوستاندىعىنان ايىرۋدى كوزدەيدى.
