بوكستان ستراندج كۋبوگى: تاعى ءبىر قازاق قىزى فينالعا شىقتى

نۇر-سۇلتان. قازاقپارات - بولگاريا استاناسىندا ءوتىپ جاتقان ستراندج كۋبوگى تۋرنيرىندە تاعى ءبىر قازاقستاندىق بىلعارى قولعاپ شەبەرى فينالعا شىقتى، دەپ حابارلايدى قازاقپارات ءتىلشىسى.

54 كەلى سالماقتا دينا جولامان جارتىلاي فينالدا يتاليالىق سيرين چاراابيدى 5:0 ەسەبىمەن تىزە بۇكتىرىپ، كىشى الەم سەمپيونى اتانىپ كەتكەن ءىرى دودانىڭ فينالىنا شىقتى.

دينا جولامان اتالعان تۋرنيردە قازاقستاندىق بىلعارى قولعاپ شەبەرلەرى اراسىنان فينالعا شىققان ەكىنشى بوكسشى. وسىعان دەيىن الەمنىڭ ەكى دۇركىن چەميونى نازىم قىزايباي 50 كەلى سالماقتا فينالعا شىققانىن جازعان بولاتىنبىز.

سونداي-اق، بۇگىن ايەلدەر اراسىنان شارشى الاڭعا شىققان ريو وليمپياداسىنىڭ قولا جۇلدەگەرى ءداريعا شاكىموۆا رەسەيلىك ساادات دالگاتوۆامەن قولعاپ ءتۇيىستىرىپ، جەڭىلىپ قالدى. تاعى ءبىر 75 كەلى سالماقتا ەل نامىسىن قورعاعان ارۋىمىز نادەجدا ريابەتس پانامادان كەلگەن اتەين بايلونعا ەسە جىبەرىپ، فينالعا شىعا الماي قالدى.

اۆتور: كۇنسۇلتان وتارباي