سانات كوشكىمبايەۆ ۋكرايناداعى جاعدايعا قاتىستى پىكىر ءبىلدىردى
«مۇنداي جاعدايدا قۇربان بولعانداردى ەسكەرەر بولساق، پروبلەمانى شەشۋ - ديالوگ، كەلىسسوز جانە ديپلوماتيالىق شەشىمدەر ارقىلى جۇرگىزىلۋى ەڭ وڭتايلى جول. قازىردىڭ وزىندە تەك و ا ن ا اسكەري قىزمەتشىلەردىڭ ەمەس، سونىمەن بىرگە بەيبىت تۇرعىنداردىڭ مەرت بولعانىن كادرلاردان كورىپ وتىرمىز. بۇل ينفراقۇرىلىمنىڭ كۇيرەۋىنە الىپ كەلىپ، ەكونوميكاعا سوققى بولادى»، - دەدى ول.
ساراپشى مۇنىڭ بارلىعى تاراپتاردى تۋىنداعان پروبلامانى كەلىسسوز ۇستەلىنىڭ باسىندا جەدەل شەشۋگە يتەرمەلۋى تيىستىگىن باسا ايتتى.
«قازاقستان سانكسيالىق ساياساتتى قولدامايدى. سانكسيالاردىڭ ءوزى جانجال شيەلەنىسپەي تۇرىپ-اق جاريا بولعان ەدى. ەندىگى ۋاقىتتا رەسەيلىك ەكونوميكامەن بايلانىستى ەكەندىمىزگە، رەسەي نەگىزگى ساۋدا-ەكونوميكالىق سەرىكتەستىگىمىز بولعانىنا وراي بۇل جايتتىڭ قازاقستان ەكونوميكاسىنا اسەرى بولاتىندىعى ءسوزسىز. دەگەنمەن، كۇتۋ قاجەت. سانكسيالاردىڭ بارلىق ءتۇرى ءالى ىسكە قوسىلعان جوق. سول سانكسيالار ىسكە قوسىلعاندا جاعداي تۇسىنىكتى بولادى. مۇنىڭ ۇستىنە ول بىرنەشە كۇن عانا اسەر ەتپەيدى. ونىڭ ۇزاق مەرزىمدى سيپاتتاعى اسەرى بار. سوندىقتان رەسەي ەكونوميكاسى مۇنى قابىلداپ، وعان بەيىمدەلۋى ءتيىس. سوعان وراي بىزگە دە اسەرى تيەدى. جوعارىدا اتاپ وتكەنىمدەي، ءبىزدىڭ ەكونوميكامىز بەن رەسەيدىڭ ەكونوميكاسى تىعىز بايلانىستى، ونىڭ ۇستىنە ەۋرازيالىق ەكونوميكالىق وداق تا بار»، - دەدى سانات كوشكىمبايەۆ.
