21:39, 25 - اقپان 2022 | GMT +5
بوكسشى نازىم قىزايباي ستراندج كۋبوگىنىڭ فينالىنا شىقتى
نۇر-سۇلتان. قازاقپارات - قازاقستاندىق بوكسشى نازىم قىزايباي بولگاريا استاناسىندا ءوتىپ جاتقان ستراندج كۋبوگى تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.

اتالعان حالىقارالىق تۋرنيردە 50 كەلى سالماقتا ەل نامىسىن قورعاپ جاتقان وتانداسىمىز جارتىلاي فينالدا فرانسيا بوكسشىسى رومان مۋلايمەن جۇدىرىقتاسىپ، قارسىلاسىن 5:0 ەسەبىمەن تىزە بۇكتىردى. تورەشىلەر ءبىر اۋىزدان (29:28، 30:27، 29:28، 29:28، 30:27) قىزايبايدى جەڭىمپاز دەپ تانىدى.
ايتا كەتەيىك، الەمنىڭ ەكى دۇركىن چەمپيونى نازىم قىزايباي شيرەك فينالدا يسپانيالىق سپورتشى لاۋرا فۋەرتەس فەرناندەسپەن جەكپە-جەككە شىعىپ، تاعى دا تورەشىلەر شەشىمىمەن جەڭىمپاز دەپ تانىلعان بولاتىن.
بۇل حالىقارالىق جارىسقا 36 ەلدەن 450 بوكسشى قاتىسىپ جاتىر. ولاردىڭ قاتارىندا وليمپيادا، الەم جانە ەۋروپا چەمپيوندارى دا بار. تۋرنير 28- اقپاندا مارەسىنە جەتەدى.
اۆتور: كۇنسۇلتان وتارباي